تۆرک بیلیم انسانلاری ایکی گزه‌گن کشف ائتدی
"داها اؤنجه کشف ائدیلمیش بیر گزه‌گنه علاوه اولاراق مشتری بؤیوکلویونده ایکی بؤیوک گزه‌گنین وارلیغینی کشف ائتمیش اولدوق"
آنکارا بیلیم‌یوردو آسترونومی و اوزای بیلیملری بؤلومو آراشدیرماچیلاری دونیادان ۱۳۳۶ ایشیق ایلی اوزاقلیقدا کپلر-۴۵۱ قوشا اولدوز سیستمینده ایکی گزه‌گن کشف ائتدی.
آنکارا اونیوئرسیته‌سی فن فاکولته‌سی آسترونومی و اوزای بیلیملری بؤلومو باشقانی، پروفسور دکتر سلیم عثمان سلام، کشف اوچون آنکارا اونیوئرسیته‌سی کریکن گؤزلم ائوینده اولان پروفسور دکتر براه‌الدین آل‌بایراک تلسکوپو و چاناق‌قالا اون‌سکیز مارس اونیوئرسیته‌سینده اولان تلسکوپلا قوشا اولدوزون ایشیق اؤلچمه گؤزلملرینین ائدیلدیگی، آیریجا کپلر و تی‌ای‌اس‌اس اوزای تلسکوپلارینین الده ائتدیگی گؤزلملرین ده ایستیفاده ائدیلدیگینی بیلدیردی.
سلام،
"بو گؤزلملریمیزله کپلر-۴۵۱ سیستمین‌ه داها اؤنجه کشف ائدیلمیش بیر گزه‌گنه علاوه اولاراق مشتری بؤیوکلویونده ایکی بؤیوک گزه‌گنین وارلیغینی کشف ائتمیش اولدوق" بیلگیسینی پایلاشدی.
قوشا اولدوزلارین اطرافیندا ۲۱.جی و ۲۲.جی گزه‌گنین کشف ائدیلمه‌سی ایله بو معنادا کشف ائدیله‌ن گزه‌گن ساییسینین ۲۲یه یوکسلدیگینی وورغولایان سلام:
"گزه‌گنلردن بیری مشترینین کوتله‌سینین تخمیناً ۱،۵ قاتی، اوبیری ایسه ایکی قاتینا یاخیندیر. گاز گزه‌گنلری اولدوغو اوچون بو گزه‌گنلرده حیات اولما احتیمالی یوخدور" دئدی.
کپلر-۴۵۱ سیستمینده‌کی گزه‌گنلرین کشفینین آچیقلاندیغی بیلیمسل مقاله، اینگیلتره‌نین آکسفورد اونیوئرسیته‌سی یایینلاری طرفیندن چاپ ائدیلن و بو ساحه‌نین ان پرستیژلی درگیلریندن بیری اولان "ام‌ان‌آر‌‌ای‌اس" درگیسینده یاییملاندی.
