ابراهیم رئیسی ایله یانینداکیلار حیاتینی ایتیردی
تورکیهدن گئدن آخینچی ایهانین باشاریلی موقعیت تعیینی ایشلری ایله هلیکوپترین داغینتیسی تاپیلدی
ایران جمهورباشقانی ابراهیم رئیسی، ایچینده اولدوغو هلیکوپترین دوشمهسی نتیجهسینده حیاتینی ایتیردی.
ایران دؤولت تلویزیونونون خبرینه گؤره حادثهده، ابراهیم رئیسی ایله بیرلیکده هلیکوپترده اولان خاریجی ایشلر باخانی حسین امیرعبداللهیان ایله دوغو آذربایجان ایالت والیسی مالک رحمتی و تبریز جمعه امامی آیتالله آل هاشم ده حیاتینی ایتیردی.
تورکیهدن گئدن آخینچی ایهانین باشاریلی موقعیت تعیینی ایشلری نتیجهسینده داغینتیسی تاپیلان هلیکوپترده اولان انقیلاب گؤزتچیلری اوردوسو منسوبو اوست سویه ۲ عسگری مقام ایله ۳ خدمهنین ده قضادا حیاتینی ایتیردیگی قید ائدیلدی.
ابراهیم رئیسی ایله یانینداکیلاری داشییان هلیکوپترین، دونن آذربایجان جمهورباشقانی ایلهام علییئوین ده قاتیلیمییلا ایکی اؤلکه سرحدینده تشکیل ائدیلهن بیر سد آچیلیش مراسیمیندن قاییدارکن، منفی هاوا شرطلری سببی ایله سرت ائنیش ائتدیگی بیلدیریلمیشدی.
۶۳ یاشینداکی ابراهیم رئیسی، ۲۰۲۱ سئچیمینده ایلک دؤنمده ایرانین ۸.جی جمهورباشقانی اولموشدو.
حسین امیرعبداللهیان ایسه عینی ایلدهن بو یانا خاریجی ایشلر باخانلیغی وظیفهسینی یئریدیردی.