غزه-ده 14 فیلیسطین‌لی حیاتینی ایتیریب
ایسراییل اوردوسونون غزه-نین موختلیف بؤلگه‌لرینده حیاتا کئچیردیگی هوجوم‌لاردا 14 فیلیسطین‌لی حیاتینی ایتیریب.
ایسراییل اوردوسونون غزه-نین موختلیف بؤلگه‌لرینده حیاتا کئچیردیگی هوجوم‌لاردا 14 فیلیسطین‌لی حیاتینی ایتیریب.
ایسراییل ساواش اوچاق لاری گئجه بویو غزه-نین قوزئی، گونئی و مرکزی حیسه‌لرینه هاوا ضربه‌لری ائندیریب.
غزه-نین مرکزی حیسه‌سینده یئرلشن النصیرات قاچقین‌لار دوشرگه‌سینده یئرلریندن دیدرگین دوشموش فیلیسطین‌لیلرین قالدیغی الکانی مکتبینه هاوا هوجومو نتیجه‌سینده 4 فیلیسطین‌لی اؤلوب، بعضی‌لری ایسه یارالانیب.
گئجه ساعات‌لاریندا 9 نفرین جسدی خان یونیس-داکی آوروپا خسته‌خاناسینا آپاریلیب.
سیبالیا قاچقین‌لار دوشرگه‌سینه ائدیلن هوجومدا یارا‌لانان‌لار اولوب.
اؤلکه‌نین گونئی ینده‌کی رفح شهری العوده قووشاغی یاخینلیغیندا باش وئرن هوجومدا بیر نفر اؤلوب، ایکی نفر یارالانیب.
دیگر طرف‌دن، ایشغال آلتینداکی اوردون چایی‌نین باتی ساحلینده‌کی تولکریم و کالکیه شهرلرینده ایسراییل عسگرلرینین 1 فیلیسطینلینی اؤلدوردوگی، بیری اوشاق اولماقلا 2 نفری یارالادیغی بیلدیریلیب.
ایسراییل اوردوسونون غزه زولاغینا تشکیل ائتدیگی هوجوم‌لاردا بیری قادین اولماقلا داها 4 ژورنالیست حیاتینی ایتیریب.
