بیرلشمیش میللتلر تشکیلاتی: هئچ بیر اوشاق بئله اذیت چکمهسین، ایندی آتشکس لازیمدی
غزهده 150 میندن چوخ حامیله قادین کؤچکونلوک و موحاریبه سببی ایله جیدّی ساغلاملیق وضعیتی و ریسکلری ایله اوزلشیر
ایسرائیلین غزه زولاغینا هوجوملاری سببیله رفحدن گونئیه کؤچمک مجبورییتینده قالان 150 میندن چوخ حامیله قادینین دهشتلی ساغلاملیق وضعیتی و ریسکلری ایله اوزلشدیگی بیلدیریلیب.
بیرلشمیش میللتلر تشکیلاتینین فیلیسطینلی قاچقینلارا یاردیم و ایشلر اوزره آژانسینین (اونروا) ایکس سوسیال مئدیا پلاتفورماسیندا غزه زولاغیندا چوخ ضعیف یئنی دوغولموش کؤرپهنین عکسی پایلاشیلیب.
عکسده، "حبیبه کیچیک چادیردا دوغولوب. 2 هفتهلیکدیر، چکیسی 2 کیلودان آزدیر". بیلگیلری وئریلهرک بَیاناتدا بیلدیریلیب کی، "هئچ بیر اوشاق بئله اذیت چکمهسین، ایندی آتشکس لازیمدی".
بَیاناتدا غزه زولاغیندا حامیله قادینلارین وضعیتینه ده دقت چکیلهرک، "غزهده 150 میندن چوخ حامیله قادین کؤچکونلوک و موحاریبه سببی ایله جیدّی ساغلاملیق وضعیتی و ریسکلری ایله اوزلشیر" ایفادهسی ایشلدیلیب.
می آیینین 6-دا ایسرائیل اوردوسو مجبوری کؤچکون فیلیسطینلیلرین سیغیندیغی رفحین دوغوسونداکی بعضی محلهلرین بوشالدیلماسی بارهده خبردارلیق ائتمیش، می آیینین 7-ده ایسه رفح بؤلگهسینه قورودان هوجوما کئچهرک مصر ایله سرحد قاپیسینین غزه طرفینی اله کئچیردیگینی آچیقلامیشدی.
اکتبرین 7-دن ایسرائیلین غزه زولاغینا ائتدیگی هوجوملاردا اکثریتی اوشاق و قادین اولان 35 میندن چوخ فیلیسطینلی حیاتینی ایتیریب.