نتانیاهو: حماس تسلیم اولسا ساواش بیتر
"حماس سلاح بوراخاراق تسلیم اولوب و ده اسیرلری تحویل وئرسه، ساواش یارین بیتهبیلر"
ایسرائیل باشباخانی بنیامین نتانیاهو "حماس تسلیم اولسا ساواشین بیتهجگینی" ساووندو.
بنیامین نتانیاهو، "حماسین سلاح بوراخیب تسلیم اولماسی و ایسرائیللی اسیرلری تسلیم ائتمهسی حالیندا" غزه یولاغینا (۷ اکتبردان بو یانا سۆرهن) سالدیریلارینی بیتیرهجکلرینی ساووناراق حماسین غزه یولاغیندان سۆرگونه گئتمهسی سئچهنگینین ماسادا اولدوغونو ادعا ائتدی.
نتانیاهو، آمریکالی یازار دان سنورا وئردیگی مصاحبهده، حماسین قبول ائتدیگی آنجاق ایسرائیل طرفیندن رد ائدیلهن آتیشکس و اسیر دییشیمی آنلاشماسینین کؤلگهسینده، "حماس سلاح بوراخسا ایسرائیلین غزهیه سالدیریلارینی سونلاندیرماغا حاضر اولدوغونو" دیله گتیردی.
نتانیاهو، "حماس سلاح بوراخاراق تسلیم اولوب و ده اسیرلری تحویل وئرسه، ساواش یارین بیتهبیلر. (حماس لیدئرلیگینین) سۆرگونه گئتمه سئچهنگی هله گئچرلیدیر، هر زامان دارتیشابیلریک اما ان اؤنملی مؤوضوع تسلیم اولماق. اگر سلاح بوراخسالار، ساواش بیتر" ایفادهسینی ایشلتدی.