ایسرائیلده، ایسرائیله قارشی تظاهراتلار اولوب
ایسرائیللیلر ایله فیلیسطین‌لیلرین بیر آرایا گلدیگی «بیز بیرلیکدَییک» آدلی غیر-حؤکومت تشکیلاتینین چاغیریشی ایله تخمینا 1500 نفرلیک گروپ پایتخات تل‌آویوین مرکزینده‌کی هبیمه میدانیندا توپلاشیب
ایسرائیللیلر بیر چوخ یئرده تظاهراتلار کئچیره‌رک، حؤکومتلریندن «غزه زولاغیندا آتیش‌کس و حماس ایله قارشیلیقلی اسیر موبادیله‌سی سازیشی» ایمضالاماغی طلب ائدیبلر.
ایسرائیللیلر ایله فیلیسطین‌لیلرین بیر آرایا گلدیگی «بیز بیرلیکدَییک» آدلی غیر-حؤکومت تشکیلاتینین چاغیریشی ایله تخمینا 1500 نفرلیک گروپ پایتخات تل‌آویوین مرکزینده‌کی هبیمه میدانیندا توپلاشیب.
تظاهراتچیلار "رفح‌ده‌کیلر ده، ایسرائیلده‌کیلر ده اوشاقدیر"، "اوشاقلاری اؤلدورمک کفایتدیر"، "موقاویله ایندی"، "اسیرلری ائوه گتیرین"، "ایندی، تزلیکله"، "تهلوکه‌سیزلیک آنجاق صولح ایله گلیر" شوعارلاری سسلندیریب. «یاریم ایللیک جهنم ایندی بیتسین» یازیلی بنرلر و پلاکارتلار گؤتوروبلر.
صحنه‌ده فیلیسطین اصیللی ایسرائیل میللت وکیلی احمد طیبی باش ناظیر بنیامین نتانیاهونو مقامینی ایتیرمک قورخوسو ایله آتیش‌کسه راضیلاشماماقدا اتهام ائدیب.
غزه زولاغینداکی ایسرائیللی اسیرلرین قوهوملاری و طرفدارلاری دا آخشام ساعاتلاریندا تل‌آویوین مودافیعه ناظیرلیگینین بیناسی قارشیسیندا مناخم بگین کوچه‌سینده توپلاشیبلار.
یوزلرله نفردن عبارت گروپ اللرینده «قاتیللر»، «اسیرلر اوچون هئچ بیر قیمت چوخ دئییل»، «بسدیر»، «رفحه هوجوم = اسیرلرین اؤلدورولمه‌سی» یازیلی پانکارتلار و ایسرائیللی اسیرلرین شکیللری اولوب.
ایسرائیللیلر «هامیسینی گتیرین»، «موقاویله ایندی»، «موقاویله ماسادادیر، ایمضالایین» کیمی شوعارلار سسلندیریب.
پولیسین بعضی کوچه‌لری ترافیکه باغلاماسیندان سونرا یوروش ائتمک ایستَین تظاهراتچیلار ایله زامان زامان قارشیدورمالار یاشاندی. داها سونرا تظاهراتچیلار بیر خیاوانی بیر طرفلی ترافیکه باغلادیلار و اوزون اتومبیل ترافیکی یاراندی.
بعضی تظاهراتچیلار ایسرائیلین باتی قودسده‌کی عالی محکمه‌سیندن پارلمان بیناسینا دوغرو یوروش ائدیبلر.
تظاهراتچیلار غزه زولاغیندا داوام ائدن قارشیدورمادا اؤلن و هله ده دفن ائدیلممیش شخصلرین یاخینلارینی تمثیل ائدن بوش تابوتلاری داشیییبلار.
اسیر ایسرائیللی‌لرین آزاد ائدیلمه‌سینه چاغیران پانکارتلار داشییان تظاهراتچیلار ”اونلارین هامیسی حیاتا قایتاریلمایانا، ساغالمایا و یا ایسرائیل قبیرلرینده باسدیریلمایانا قدر دینجلمَیه‌جَییک» شوعارینی سسلندیریبلر.
ایسرائیل پولیسینین زامان-زامان بو تظاهراتچیلارا موداخیله‌سی زامانی داوا دوشوب. پولیس ایکی نفری ساخلاییب.
