پوتین، پاشینیان ایله گؤروشدو
روسیا دؤولت باشقانلیغی کرملین ساراییندان وئریله‌ن آچیقلامایا گؤره، پوتین ایله پاشینیان، آوراسیا اقتصادی بیرلیگی ذیروه‌سینین آردیندان کرملین ساراییندا بیر آرایا گلدی
روسیا دؤولت باشقانی ولادیمیر پوتین ایله ارمنیستان باشباخانی نیکول پاشینیان، باشکند موسکوادا بؤلگه‌سل گوونلیکله باغلی مؤوضوعلاری اله آلدی.
روسیا دؤولت باشقانلیغی کرملین ساراییندان وئریله‌ن آچیقلامایا گؤره، پوتین ایله پاشینیان، آوراسیا اقتصادی بیرلیگی ذیروه‌سینین آردیندان کرملین ساراییندا بیر آرایا گلدی.
گؤروشمه‌نین مطبوعاتا آچیق قیسیمینده دانیشان پوتین، اقتصاددا امکداشلیغا اؤنم وئردیکلرینی ایفاده ائد‌رک،
"ارمنیستانین آوراسیا اقتصادی بیرلیگی اؤلکه‌لری ایله قارشیلیقلی تیجارت حجمی ۱۴ قات آرتدی. ایکیلی ایلیشکیلر ده اولدوقجا باشاریلی بیر شکیلده گلیشیر. قارشیلیقلی تیجارت حجمی ۷ میلیارد دلاری گئچدی. تیجاری و اقتصادی ایلیشکیلریمیزده داها اؤنجه بئله بیر رقم گؤرولمه‌دی. البته، تیجارت حجمینین بؤیومه‌سیندن چوخ بؤلگه‌ده گوونلیکله باغلی مؤوضوعلار دا وار" دئدی.
ارمنیستان باشباخانی پاشینیان دا ایکیلی ایلیشکیلر و بؤلگه‌سل مؤوضوعلارین اؤنمینه ایشاره ائد‌رک،
"سون دفعه گئچه‌ن ایلین دسامبر آییندا گؤروشموشدوک. البته، او گوندن بو یانا مشاویره ائدیلمه‌سی لازیم اولان مؤوضوعلار ییغیلدی" ایفاده‌سینی ایشلتدی.
پوتین-پاشینیان گؤروشمه‌سی، تخمیناً بیر ساعات داوام ائتدی.
