رفح بؤلگهسیندن مجبوری کؤچ باشلادی
ایسرائیلین رفحین دوغوسونا قورودان هوجوما حاضیرلاشدیغی بؤلگهلردهکی فیلیسطینلیلر کؤچ ائتمک مجبورییتینده قالیب
ایسرائیلین اکتبرین 7-دن بری هوجوملارینی داوام ائتدیردیگی غزه زولاغینین رفح بؤلگهسینه مومکون قورو هوجومو سببیندن مینلرله اینسان بؤلگهدن کؤچ ائدیب.
فیلیسطین قیزیل آیپارا جمعیتینین سوسیال مئدیادا وئردیگی یازیلی آچیقلامادا مینلرله فیلیسطینلینین کؤچ ائتمک مجبورییتینده قالدیغی بیلدیریلیب.
آچیقلامادا ایسرائیلین رفحین دوغوسونا قورودان هوجوما حاضیرلاشدیغی بؤلگهلردهکی فیلیسطینلیلرین کؤچ ائتمک مجبورییتینده قالدیغی، ایسرائیلین ده رفحین دوغوسوندا هاوا هوجوملارینی گوجلندیردیگی بیلدیریلیب.
فیلیسطین قیزیل آیپارا جمعیتی رفحین غزهده اهالینین تخمینا یاریسینا ائو صاحیبلیگی ائتدیگینی خاطیرلادیب و «اینسانی فلاکتین» باش وئره بیلهجیی بارهده خبردارلیق ائدیب.
ایسرائیل اوردوسو دونن سحر وئردیگی آچیقلامادا، مجبوری کؤچکون فیلیسطینلیلرین سیغیندیغی رفحین دوغوسونداکی بعضی محلهلرین بوشالدیلماسینی ایستهییب.
ایسرائیل اوردوسو رادیوسونون خبرینه گؤره، تخلیه ائدیلمهلی اولان رفحین دوغوسونداکی بؤلگهده تخمینا 100 مین فیلیسطینلی مسکونلاشیب.
ایسرائیل اوردوسونون رفح بؤلگهسینه قورودان هوجوم ائدهجیی ایله باغلی ناراحاتلیقلار سببیله بؤلگهنین دوغوسوندا مجبوری کؤچ باشلاییب.