ایسرائیل لبنانین مرکزینده‌کی بعلبک شهرینه هاوا هوجومو ائدیب
ایسرائیلین پیلوتسوز اوچوش آپاراتلاری ایسرائیل سرحدیندن تخمینا 80 کیلومتر اوزاقلیقداکی بعلبک شهرینین سفری قصبه‌سینده بیر بینایا ضربه ائندیریب
ایسرائیل اوردوسونون لبنانین مرکزینده‌کی بعلبک شهرینده بیر بینایا هاوا هوجومو نتیجه‌سینده 3 مولکی شخص یارالانیب.
لبنانین رسمی آژانسی ان‌ان‌ای-ده یئر آلان خبره گؤره، ایسرائیلین پیلوتسوز اوچوش آپاراتلاری ایسرائیل سرحدیندن تخمینا 80 کیلومتر اوزاقلیقداکی بعلبک شهرینین سفری قصبه‌سینده بیر بینایا ضربه ائندیریب.
هوجوم زامانی بینادا اولان 3 مولکی شخصین یارالاندیغی و بینانین تامامیله داغیلدیغی بیلدیریلیب.
ایسرائیل اوردوسو دا سفری‌یه هاوا ضربه‌سی ائندیردیگینی تصدیقلَییب و ساواش اوچاقلارینین لبنانین جنوبونداکی رامیه، عیتا الشعب و مروحین قصبه‌لرینی ووردوغونو آچیقلاییب.
اوردو همچینین سوریه اراضیسیندن ایسرائیل ایستقیامتینده ایکی آتش آچیلدیغینی و اونلارین ایشغال آلتینداکی قولان تپلرینده آچیق اراضیه دوشدویونو بیلدیریب.
ایسرائیل اوردوسو آتش نقطه‌لرینی هدف آلدیغینی بَیان ائدیب.
