حوثی لر:"ایسراییل گمیسینی ووردوق"
یمن-دهکی حوثی لر عدن کؤرفزینده ایسراییل گمیسینی ووردوقلارینی بیلدیریبلر.
حوثی لرین حربی سؤزچوسو یحیی سری وئردیگی موصاحیبهده ایسراییلین "اماسسی داروین" آدلی گمیسینی عدن کؤرفزینده راکتلر و اینسانسیز هاوا آراج لاری ایله هدف آلدیقلارینی و مقصدلرینه نایل اولدوقلارینی بیلدیریب.
یحیی سری ایسراییلین گونئی یندهکی ایلات شهریندهکی هدفلره ده راکت هوجوملاری تشکیل ائتدیکلرینی قئید ائدیب.
حوثی قوهلرینین قیرمیزی دنیز، عمان دنیزی و هیند اوقیانوسونودا ایسراییلین و بو اؤلکه ایله علاقهسی اولانلارین سیروسفرلرینی انگللهمهیه داوام ائتدیگینی ایفاده ائدن سری دئییب: ایشغال آلتینداکی فیلیسطین-دهکی ایسراییلین هدفلرینه قارشی داها چوخ حربی عملیاتلار حیاتا کئچیرمهیه داوام ائدجییک.
ایرانین دستکلدیگی حوثی لر ایسراییلین هوجوملارینا رئاکسیا اولاراق اوکتبرین 31-دن اعتباراً یمن ساحللرینده ایسراییل شیرکتلرینه تابع اولان تیجارت گمیلرینی اله کئچیریر، بعضیلرینه ایسه اینسانسیز هاوا آراج لاری و راکتلرله هوجوم ائدیر.
حوثی لرین حرکتلریندن سونرا بیر چوخ گمیچیلیک شیرکتی قیرمیزی دنیزدهکی فعالیتلرینی دایاندیرماق قرارینا گلیب.
ایلگیلیلی خبرلر
تورکیه اوردوسو عراق و سوریه-ده 17 ترورچونو ضررسیزلشدیریلیب
عراق و سوریه-نین قوزئیینده بولوجو ترور تشکیلاتی پ.کا.کا-یا عاید 17 ترورچو ضررسیزلشدیریلیب.
آذربایجان و ائرمنیستان آراسیندا باریش دانیشیقلاری باشلاییب
قازاخیستانین آلماتی شهرینده آذربایجان و ائرمنیستان آراسیندا باریش دانیشیقلاری باشلاییب.