ارمنیستان، روس سرحد گؤزتچیلرینی گؤندریر
نیکول پاشینیان روسیایا وئرمیش اولدوغو دستک اوچون تشکر ائدیب بوندان سونرا ارمنیستان سرحد گؤزتچیلرینین وظیفه‌لرینی اؤز باشلارینا ایجرا ائتمه‌یه حاضر اولدوقلاری آچیقلامیشدی
ارمنیستان پارلمانی باشقانی آلن سیمونیان، روس سرحد گؤزتچیلرینین زوارتنوتس اولوسلارآراسی هاوالیمانیندان چیخاردیلماسینین قرارلاشدیریلمیش بیر مؤوضوع اولدوغونو سؤیله‌دی.
بعضیلرینین بو سۆره‌جی 'دؤولتلرآراسی آنلاشماسینین بیر پوزونتوسو' اولاراق گؤسترمه‌یه چالیشدیغینی ایفاده ائدن سیمونیان، بو آنلاشمانین باخانلیق سویه‌سینده ائدیلمیش، بو بؤلگه‌ده‌کی ارمنیستان سرحد گؤزتچیلرینه کؤمک ائتمه آماجینی داشییان بیر آنلاشمانین اولدوغونو وورغولادی.
سیمونیان ایندی ارمنیستان سرحد گؤزتچیلرینین بونا احتیاجی اولمادیغینی و ۱ آگوست اعتباری ایله روس سرحد گؤزتچیلرینین زوارتنوتس اولوسلارآراسی هاوالیمانیندان آیریلاجاغینی سؤیله‌دی.
سیمونیان روس سرحد گؤزتچیلرینین ارمنیستان-تورکیه سرحدیندن ده چکیله‌جگینه دایر سؤیله‌نتیلری ایسه یالانلادی.
داها اؤنجه ارمنیستان باشباخانی نیکول پاشینیان روسیایا وئرمیش اولدوغو دستک اوچون تشکر ائدیب بوندان سونرا ارمنیستان سرحد گؤزتچیلرینین وظیفه‌لرینی اؤز باشلارینا ایجرا ائتمه‌یه حاضر اولدوقلاری آچیقلامیشدی.
روسیا دؤولت باشقانلیغی سارایی کرملین سؤزچوسو دمیتری پئسکوو، ایروانین بو قرارینی موسکوایا یازیلی بیر شکیلده بیلدیردیگینی آچیقلامیشدی.
ایلگیلی‌لی خبرلر
حوثی لر:"ایسراییل گمیسینی ووردوق"
یمن-ده‌کی حوثی لر عدن کؤرفزینده ایسراییل گمیسینی ووردوق‌لارینی بیلدیریب‌لر.
