ایسرائیل، غزه‌یه کؤمکلرین گیریشینه قصداً مانع تؤره‌دیر
اینگیلتره مرکزلی اینسانی کؤمک قورولوشو آکسفامدان ائدیله‌ن آچیقلامادا، ایسرائیلین غزه‌یه قارشی کؤمکلره سیستماتیک اولاراق مانعه تؤرتدیگی ایفاده ائدیلدی
ایسرائیل، اولوسلارآراسی عدالت دیوانی قرارلارینا باخمایاراق غزه‌یه کؤمکلرین گیریشینه قصداً مانع تؤره‌دیر.
اینگیلتره مرکزلی اینسانی کؤمک قورولوشو آکسفامدان ائدیله‌ن آچیقلامادا، ایسرائیلین غزه‌یه قارشی کؤمکلره سیستماتیک اولاراق مانعه تؤرتدیگی ایفاده ائدیلدی.
اولوسلارآراسی توپلومون ایسه بو وضعیتله موباریزه ائتمک یئرینه غزه‌یه هاوادان کؤمک آتماق و دنیزدن کؤمک تامین ائتمک کیمی داها آز تأثیرلی یوللارلا اوغراشدیغی بیلدیریلن آچیقلامادا، ایسرائیلین مانع تؤرتدیگی کؤمکلر آراسیندا اکسیژن، انکوباتور، سو و تمیزلیک ماده‌لری کیمی محصوللار اولدوغو قید ائدیلدی.
بو کؤمکلرین غزه‌یه ۴۰ کیلومتر اوزاقلیقداکی مصرین العریش شهرینده گؤزله‌دیلدیگی وورغولانان آچیقلامادا، "دونیاداکی بیر چوخ اینسانی کؤمک قورولوشوندان گلن کؤمکلر، هفته‌لردیر و آیلاردیر ایسرائیل مقاملاری طرفیندن داها اؤنجه گؤرولمه‌میش بیر تصدیق، کنترل و آراشدیرما سببی ایله رد ائدیلیر. رد ائدیلمه سببی ایسه آیدین دئییل" ایفاده‌لری یئر آلدی.
ایسرائیلین ۷ اکتبر ۲۰۲۳دن بو یانا ۱۵ مین ۴۱۳ کؤمک کامیونونون گیریشینه ایجازه وئردیگی آنجاق احتیاجین بونون ۵ قاتی اولدوغو ایفاده ائدیله‌ن راپور‌دا، فوریه آییندا غزه‌یه چاتدیریلان کؤمک میقدارینین ژانویه آیینداکینا گؤره یوزده ۴۴ داها آز اولدوغونا دقت چکیلدی.
۷ اکتبردان بو یانا ایسرائیلین غزه‌یه قارشی سالدیریلاریندا ۳۱ مین ۷۲۶ فیلیسطینلی قتل ائدیلدی، تخمیناً ۷۴ مین نفر یارالاندی.
