ایسرائیل یئنه کؤمک سیراسیندا گؤزلهیهنلری ووردو
ایسرائیل اوردوسو، غزهنین دوغوسونداکی کویت قووشاغی یاخینیندا کؤمک تریلیلرینی گؤزلهیهن فیلیسطینلیلری هدف آلدی
ایسرائیل اوردوسونون، غزه یولاغیندا کؤمک تریلیلرینی گؤزلهیهن فیلیسطینلیلری هدف آلان سالدیریسیندا ۷ نفر اؤلدو، ۲۰دن چوخ اینسان یارالاندی.
غزه یولاغینداکی سیویل ساوونما بیریمی سؤزچوسو محمود بصل، ایسرائیل اوردوسونون، غزهنین دوغوسونداکی کویت قووشاغی یاخینیندا کؤمک تریلیلرینی گؤزلهیهن فیلیسطینلیلری هدف آلدیغینی سؤیلهدی.
بصل، سالدیریدا کؤمک گؤزلهیهنلر آراسیندا اؤلن و یارالانانلارین اولدوغونو ایفاده ائتدی.
فیلیسطین رسمی خبر آژانسی وفا ایسه، سالدیریدا ۷ نفرین اؤلدوگونو، ۲۰دن چوخ اینسانین یارالاندیغینی بیلدیردی.
ایسرائیله عاید ساواش اوچاقلارینین، گونئییدهکی رفح شهرینین السعودیه محلهسینده بیر ائوی بومبالاماسی سونوجو دا یارالانانلار اولدوغو بیلدیریلدی.
آیریجا ایسرائیلین خان یونوس شهرینین عبسان الکبیره و خزاعه بؤلگهلرینه ده توپچو آتیشی گئرچکلشدیردیگی، چوخ ساییدا اینسانین اؤلدوگو و یارالاندیغی قید ائدیلدی.
ایسرائیلین ۷ اکتبردان بو یانا غزه یولاغینا تشکیل ائتدیگی سالدیریلاردا ان آز ۱۳ مین ۵۰۰و اوشاق، ۹ مینی قادین اولماق اوزره ۳۱ مین ۱۱۲ فیلیسطینلی اؤلدورولدو، ۷۲ مین ۷۶۰ نفر یارالاندی.