ارمنیستان، هاوالیمانینداکی روس گؤزتچیلری گؤندرهجک
"ارمنیستانین بو مؤوضوعدا آچیق بیر توتومو وار و بو دآچیق توتومونو رسمی بیر یازییلا روسیا فدراسیونونا بیلدیردی"
ارمنیستان رهبرلیگی، باشکند ایرواندا اولان زوارتنوتس اولوسلارآراسی هاوالیمانینداکی روس سرحد گؤزتچیلرینین وظیفهلرینین سونا چاتدیریلماسینا قرار وئردی.
ارمنیستانین رسمی خبر آژانسی آرمنپرسین خبرینه گؤره، میللی گۆونلیک شوراسی سکرتری آرمن گریگوریان، میللی مجلیسده ائدیلهن ییغینجاق سونراسی مطبوعات منسوبلارینا آچیقلامالار وئردی.
گریگوریان، ارمنیستان رهبرلیگینین، سؤزو گئدن هاوالیمانینداکی بوتون خیدمتلرین تامامییلا ارمنیستان وظیفهلیلری طرفیندن یئرینه یئتیریلمهسینه دایر قرار آلدیغینی ایفاده ائدرک، "ارمنیستانین بو مؤوضوعدا آچیق بیر توتومو وار و بو دآچیق توتومونو رسمی بیر یازییلا روسیا فدراسیونونا بیلدیردی. ارمنیستانین توتومو، زوارتنوتس اولوسلارآراسی هاوالیمانینداکی خیدمتین، ارمنیستان سرحد گؤزتچی بیرلیکلرین طرفیندن ایجرا ائدیلمهسی لازیم اولدوغو یولوندادیر" دئدی.
میللی مجلیس باشقانی آلان سیمونیان، ۲۷ فئوریهده، روس سرحد گؤزتچیلرینین زوارتنوتس هاوالیمانیندان چیخاریلماسینین دوغرو اولاجاغینی دۆشوندوگونو آچیقلامیشدی.
روسیا دؤولت باشقانلیغی سارایی کرملین سؤزچوسو دمیتری پئسکوو ایسه، ارمنیستان حکومتینین بو قرارینا دایر اؤزلرینه هله بیر بیلگی چاتمادیغینی سؤیلهمیشدی.