لبناندا ایسرائیله مخصوص پیلوتسوز اوچوش آپاراتی وورولدو

لبنانین گونئیینده ایسرائیله مخصوص پیلوتسوز اوچوش آپاراتینین وورولدوغو ایدعا ائدیلیب.

غزه‌یه اوغرایان پیلوتسوز اوچوش آپاراتینین گؤرونتولری حزب‌الله‌-ا یاخینلیغی ایله تانینان «المیادین» تلویزیونونون ایکس سوسیال مئدیا حسابیندا پایلاشیلیب.

لبنان مطبوعاتیندا درج اولونان خبرلرده سؤزو گئدن پیلوتسوز اوچوش آپاراتینین ایسرائیل اوردوسونا عاید هرمئز-450 تیپلی پیلوتسوز اوچوش آپاراتی اولدوغو ایدعا ائدیلیب.

هله‌لیک حزب‌الله‌ حرکاتی و یا ایسرائیل اوردوسوندان مسئله ایله باغلی رسمی آچیقلاما یوخدور.

8 اوکتبردان ایسرائیل اوردوسو ایله حزب‌الله‌ آراسیندا باش وئرن چاتیشمالاردا 215 حزب‌الله‌ عضوو، 43 لبنان وطنداشی، 11 امل حرکاتی، 12 حماس و 12 ایسلامی جیهاد عضوو، 6 ایسرائیل وطنداشی و 11 ایسرایل عسگری هلاک اولوب.