عمران خان یولسوزلوقدا اتهام اولونا‌راق داها 14 ایل آزادلیق‌دان محروم ائدیلیب
پاکیستانین کئچمیش باش ناظیری عمران خان داها 14 ایل حبس جزاسینا محکوم ائدیلیب.
پاکیستانین کئچمیش باش ناظیری عمران خان داها 14 ایل حبس جزاسینا محکوم ائدیلیب.
میللی مطبوعاتین معلوماتینا گؤره، عمران خان و حیات یولداشی بوشرا بیبی یولسوزلوقدا اتهام اولونا‌راق 14 ایل آزادلیق‌دان محروم ائدیلیب‌لر.
اونلارین هر ایکی‌سینه 10 ایل مدتینه دؤولت وظیفه‌سی توتماق قاداغان ائدیلیب.
معلوماتا گؤره، پروسه آدیالا حبس‌خاناسیندا باش توتوب.
پاکیستان قانون‌لارینا گؤره، باش ناظیرلر، ناظیرلر، بوروکرات‌لار و یوکسک روتبه‌لی دؤولت مامورلاری خاریجی یوکسک وظیفه‌لی شخص‌لردن آلدیق‌لاری هدیه‌لر باره‌ده " توشاخانا" آدلانان ایداره‌یه معلومات وئرمه‌لی‌دیرلر. بیلدیریلیر کی، پاکیستان عدالت حرکاتی پارتیاسی (PTI) حکومتی دؤورونده عمران خانا تقدیم ائدیلن هدیه‌لر باره‌ده معلومات وئریلمه‌ییب.
قئید ائدک کی، عمران خان و پاکیستانین کئچمیش خاریجی ایشلر ناظیری شاه محمود قریشی ژانویه‌نین 30-دا 10 ایل مدتینه آزادلیق‌دان محروم ائدیلمیشدی. اونلار دؤولته خیانتده اتهام اولونورلار.
