اؤلدورولن فیلیسطینلی ساییسی ۲۶ مین نفری گئچدی
غزهدهکی فیلیسطین ساغلیق باخانلیغی سؤزچوسو اشرف القدره، ایسرائیلین غزه یولاغینا ۱۱۵ گۆندور داوام ائتدیردیگی سالدیریلارا باغلی بیلگی وئردی
ایسرائیلین غزه یولاغینا ۷ اکتبردان بو یانا داوام ائتدیردیگی سالدیریلاردا اؤلدورولن فیلیسطینلیلرین سایسی ۲۶ مین ۶۳۷ نفره یۆکسلدی.
غزهدهکی فیلیسطین ساغلیق باخانلیغی سؤزچوسو اشرف القدره، ایسرائیلین غزه یولاغینا ۱۱۵ گۆندور داوام ائتدیردیگی سالدیریلارا باغلی بیلگی وئردی.
ایسرائیل گۆجلرینین سون ۲۴ ساعاتدا غزه یولاغیندا ۲۱۵ فیلیسطینلینی داها اؤلدوردوگونو، ۳۰۰ فیلیسطینلینی یارالادیغینی ایفاده ائدن القدره، غزهده ۷ اکتبردان بو یانا اؤلدورولهن فیلیسطینلیلرین ساییسینین ۲۶ مین ۶۳۷ نفره، یارالی ساییسینین دا ۶۵ مین ۳۸۷ نفره یۆکسلدیگینی قید ائتدی.
ساغلیق باخانلیغی سؤزچوسو، هله ییخینتی آلتیندا و یول قیرقلاریندا اؤلولر اولدوغونو آنجاق ساغلیق اکیبلری ایله سیویل ساوونما قروپلارینین جنازهلره یاخینلاشابیلمهدیگینی وورغولادی.
ایسرائیل اوردوسونون غزهنین گونئییندهکی خان یونسده ناصر خستهخاناسی و امل خستهخاناسینا قارشی محاصرهسینی مؤحکملشدیردیگینی ایفاده ائدن القدره، قوشاتما ایله درمان و طبی لوازیمین توۆکهنمهسی نتیجهسینده یارالیلارین قورتاریلماسینین ایمکانسیز حالا گلدیگینی ده ایفاده ائتدی.