غزه‌ده اؤلنلرین ساییسی ۲۵ مینی گئچدی
غزه‌ده‌کی ساغلیق باخانلیغی، اؤلدوروله‌ن فیلیسطینلیلرین ساییسینین ۲۵ مین ۱۰۵ نفره، یارالی ساییسینین ایسه ۶۲ مین ۶۸۱ نفره چیخدیغینی بیلدیردی
ایسرائیلین ۷ اکتبردان بو یانا سالدیریلارینی داوام ائتدیردیگی غزه یولاغیندا حیاتینی ایتیره‌ن فیلیسطینلیلرین ساییسی ۲۵ مینی گئچدی.
غزه‌ده‌کی ساغلیق باخانلیغی، اؤلدوروله‌ن فیلیسطینلیلرین ساییسینین ۲۵ مین ۱۰۵ نفره، یارالی ساییسینین ایسه ۶۲ مین ۶۸۱ نفره چیخدیغینی بیلدیردی.
ایسرائیل گوجلری، گئجه ساعاتلاریندا تشکیل ائتدیگی باسقینلاردا، الخلیل، نابلوس و طولکرم شهرلری باشدا اولماق اوزره، بیر چوخ یئری هدف آلدی.
فیلیسطین رسمی خبر آژانسی وفادا یئر آلان خبرده، ایسرائیلین غزه یولاغینین گونئیینده‌کی خان یونوس شهرینه سالدیریلارینی آرتیردیغی ایفاده ائدیلدی.
ایسرائیل اوردوسونون خان یونسده داوام ائتدیردیگی سالدیریلاردا چوخو اوشاق ۱۰ وطنداشین اؤلدورولدوگو، اونلارجاسینین دا یارالاندیغی بیلدیریله‌ن خبرده، سحر ساعاتلاریندا ساواش اوچاقلارینین تشکیل ائتدیگی بومباردماندا دا بیری اوشاق ۳ نفرین حیاتینی ایتیردیگی و یارالیلار اولدوغو ایفاده ائدیلدی.
خان یونسین باتی کسیمینده‌کی المواصی بؤلگه‌سینده بیر ائوین بومبالاندیغی وورغولانان خبرده، ایسرائیل اوردوسونون خان یونوس شهرینده‌کی بیر چوخ بؤلگه‌سینده هاوادان و قورودان سالدیریلاری آرتیردیغینا ایشاره ائدیلدی.
اردن چایینین باتی ساحیلینده و دوغو قدس‌دا گئرچکلشدیریلن ایسرائیل باسقینلاریندا ایسه، چوخ ساییدا اینسان گؤزآلتینا آلیندی.
