پاشینیان: روس عسگری مرکزینین وارلیغی بیر آوانتاژ دئییل
پاشینیان، روس عسگری مرکزینین اؤلکهدن چیخاریلماسی احتیمالی اوزرینده دورمادیغینی، وارلیغینین بیر اوستونلوک تامین ائتدیگینی ده دوشونمهدیگینی سؤیلهدی
ارمنیستان باشباخانی نیکول پاشینیان، روس عسگری مرکزینین اؤلکهدن چیخاریلماسی احتیمالی اوزرینده دورمادیغینی، وارلیغینین بیر اوستونلوک تامین ائتدیگینی ده دوشونمهدیگینی سؤیلهدی.
نیکول پاشینیان، "بو قونونو (مرکزین باغلانیلماسی) موذاکیره ائتمیریک. بو سیرالار گوندمیمیزده باشقا مؤوضوعلار وار، وار اولان وضعیتین سببلرینی آنلاماغا چالیشیریق و طبیعی کی ارمنیستان و روسیا، ارمنیستان و کولکتیو گوونلیک آنلاشماسی تشکیلاتی آراسینداکی گؤروشمهلرده، بو دا گوندمه گلهجکدیر" دئیه دانیشدی.
۱۰۲.جی روسیا عسگری مرکزی ۱۹۹۵.جی ایلدهن بری گومرو و ایرواندا قونوشلانمیشدیر.
مرکزده وظیفه یئرینه یئتیرهن پرسونل، مستقیل دؤولتلر بیرلیگینین اورتاق هاوا ساوونما سیستمی چرچیوهسینده کئشیک توتور.
۲۰۱۰.جو ایلده روسیا و ارمنیستان، مرکزله باغلی آنلاشماسینین مدتینی ۲۰۴۴.جو ایله قدر اوزاتمیشدی.
ایروان، کولکتیو گوونلیک آنلاشماسی تشکیلاتیندان ممنون دئییل
پاشینیان آیریجا ایروانین کولکتیو گوونلیک آنلاشماسی تشکیلاتینین قاراباغدا اورتایا قویدوغو توتومدان اؤترو خیال قیریقلیغینا اوغرادیغینی سؤیلهدی.
باشباخان، تشکیلاتین اساسنامهسینده عضو اؤلکهلردن بیرینه سالدیریلماسی حالیندا هانسی آددیملارین آتیلماسی لازیم اولدوغونون آچیقجا یازدیغینی وورغولایاراق،
"اورادا یازیلانلار یئرینه یئتیریلمهدیر و البته بو وضعیت ارمنیستان حکومتینده و خالقیندا خیال قیریقلیغی یارادیر. آیریجا بیزیم روسیایلا ایکیلی گوونلیک آنلاشمامیز وار و او آنلاشمادا خاطیرلانان آددیملار دا آتیلمادی. بو دا هم حکومتیمیزده، هم توپلوموموزدا جدی سوال ایشارهلری دوغوردو" دئیه دانیشدی.
آذربایجان، ۱۹ سپتامبردا، آنایاسال نظامی یئنیدن تاسیس ائتمه مقصدی ایله قاراباغ بؤلگهسینده "یئرلی (لوکال) اؤزللیکده ترورلا موباریزه فعالیتلری" باشلاتمیشدی. ۲۰ سپتامبردا آذربایجان دؤولت باشقانی ایلهام علییئو عملیاتین بیتدیگینی و بوتون هدفلرینین یئرینه یئتیریلدیگینی بیلدیرمیشدی.
بو گلیشمهنین آردیندان واریلان باریش آنلاشماسی، قاراباغداکی آیریلیقچی عنصورلارین داغیدیلماسینی و ارمنیستان عسگرلرینین بؤلگهدن چیخاریلماسینی اؤن گؤرور.