پئسکوو، آمریکانین قاراباغا وظیفه گوجو گؤندرمه نیتینی یوروملادی
"هر هانسی بیر وظیفه گوجو آنجاق آذربایجان طرفینین راضیلیغییلا وار اولابیلر"
روسیا دؤولت باشقانلیغی سارایی کرملین سؤزچوسو دمیتری پئسکوو، آمریکا بیرلشمیش دؤولتلرینین قاراباغا وظیفه گوجو گؤندرمه نیتینه باغلی ملموس بیر گلیشمه گؤرمهدیکلرینی ایفاده ائتدی.
پئسکوو، باشکند موسکوادا، آمریکا خاریجی ایشلر باخانلیغی سؤزچوسو متیو میلرین "قاراباغدا اولوسلارآراسی میسیون اولمالی، بو قونودا موتفیقلریمیزله چالیشیریق" سؤزلرینی دگرلندیردی.
قاراباغدا اولاسی بیر میسیون وظیفهلندیریلمهسی اوچون آذربایجانین اونابینین لازیم اولدوغونو وورغولایان پئسکوو،
"بو قونودا هله ملموس بیر دوروم گؤرهبیلمیریک. هر هانسی بیر وظیفه گوجو آنجاق آذربایجان طرفینین راضیلیغییلا وار اولابیلر" دئیه دانیشدی.
پئسکوو، روسیانین قاراباغ سورهجینده آمریکانین عکسینه ملموس بیر شکیلده ایشتیراک ائتدیگینی ایفاده ائدرک،
روسیانین قاراباغ سورهجی ایله تعامل سویهسینی و بونا قاتیلیمیمیزی، آمریکانینکی ایله مقایسه ائتمک مومکون دئییل. عینی شئی قاراباغ سورهجینه باغلی سؤزلو دئییل فعلی ایشتیراکیمیزلا باغلی دا دئییلهبیلر، قارشیلاشدیریلامماز" ایفادهلرینی ایشلتدی.
سؤزچو پئسکوو، روس باریش گوجونون بؤلگهده اؤنملی رول اوینادیغینی و بونون داوام ائدجگینی ده سؤیلهدی.