عمران خان سیاستدن ۵ ایل مدتله منع ائدیلدی
سوء ایستیفاده دعویسینده سوچلو گؤرولرک توتوقلانان اؤنجه‌کی باشباخان عمران خانین سیاستدن ۵ ایل مدتله محروم ائدیلمه‌سینه قرار وئردی
پاکیستان سئچیم کمیسیونو، محاکیمه اولوندوغو سوء ایستیفاده دعویسینده سوچلو گؤرولرک توتوقلانان اؤنجه‌کی باشباخان عمران خانین سیاستدن ۵ ایل مدتله محروم ائدیلمه‌سینه قرار وئردی.
سئچیم کمیسیونون‌دان وئریله‌ن آچیقلامادا، خانین محکمه طرفیندن سوء ایستیفاده‌دن سوچلو گؤرولدوگونه ایشاره ائدیله‌رک، ایلگیلی قانونلار اویغون اولاراق خانین سیاستدن ۵ ایل مدتله محروم ائدیلمه‌سینه قرار وئریلدیگی ایفاده ائدیلدی.
اسلام آباد یوکسک محکمه‌سی، باشباخانلیغی دؤورون‌ده آلدیغی۴۹۰ مین دلار دگرینده‌کی هدیه‌لری ساتماق‌دان و وظیفه‌سیندن سوء ایستیفاده ائتمک‌دن خانی سوچلو گؤرموش و حاقیندا توتوقلاما قراری وئره‌رک ۳ ایل حبس جزاسینا چارپدیرمیشدی.
پاکیستان پلیسی، محکمه قرارییلا خانی لاهور شهرین‌ده‌کی ائوین‌ده ۵ آگوست‌دا حبس ائتمیشدی.
پاکیستان پارلمانیندا ۱۰ آوریل ۲۰۲۲ده ائدیله‌ن گووه‌ن اویلاماسیندا ۱۷۴ "یوخ" اویو آلان عمران خان حکومتی دوشموشدو.
اؤلکه‌ده ۳ دؤنم باشباخانلیق ائد‌ن نواز شریفین قارداشی شاهباز شریف، مجلیس‌ده ۱۱ آوریل ۲۰۲۲ده تشکیل ائدیله‌ن سس وئرمه‌ده، ۱۷۴ سس ایله تام اکثریتین دستگینی آلاراق باشباخان سئچیلمیشدی.
