پاکیستانداکی پاتلامادا اؤلو ساییسی آرتدی
انتیحار سالدیریسیندا، ۱۴ آغیر یارالینین داها حیاتینی ایتیرمهسی ایله، اؤلو ساییسی ۵۴ نفره چیخدی
پاکیستانین خیبر پختونخوا ایالتینده، کوالیسیون حکومتی اورتاقلاریندان ایسلام علماسی جمعیتی پارتیسینین کنگرهسینی هدف آلان دوننکی انتیحار سالدیریسیندا حیاتینی ایتیرهنلرین ساییسی ۵۴ نفره یوکسلدی.
جئو نیوز تلویزیونونداکی خبره گؤره، خیبر پختونخوانین باجور بؤلگهسینده ایسلام علماسی جمعیتی پارتیسی منسوبلارینین دونن تشکیل ائتدیگی کنگرهیه قارشی انتیحار سالدیریسیندا، ۱۴ آغیر یارالینین داها حیاتینی ایتیرمهسی ایله، اؤلو ساییسی ۵۴ نفره چیخدی.
مسئوللار، الده ائدیلهن بیلگیلرین، ۲۰۰دن چوخ اینسانین دا یارالاندیغی انتیحار سالدیریسینین آرخاسیندا ترور هؤرگوتو داعشین اولدوغونو گؤستردیگینی آچیقلادی.
سالدیرییلا باغلانتیلی اولدوغو ادعاسییلا ۳ نفر گؤزآلتینا آلیندی.
اؤته یاندان انتیحار سالدیریسینین چین باشباخان کؤمکچیسی هه لیفنگین پاکیستانا چاتیشیندان بیر نئچه ساعات اؤنجه گئرچکلشمهسی دقت چکدی.