ایران قاییغی هرمز بوغازیندا آمریکا گمیلرینه ساتاشدی
"اولوسلارآراسی سولارداکی بو تهلوکهلی حرکت، ایرانین اورتادوغوداکی استقرارسیزلاشدیریجی فعالیتینین گؤستریجیسیدیر"
ایرانین سپاه اوردوسونا عاید قاییغینین، هرمز بوغازینداکی گئچیشلری سیراسیندا یاخینلاشدیغی آمریکایا عاید ۲ ساواش گمیسینه ساتاشدیغی بیلدیریلدی.
آمریکا مرکز گوجلر قوموتانلیغیندان (سنتکوم) وئریلهن یازیلی آچیقلامادا، حادثهنین ۵ دسامبر آخشامی آمریکا گمیلرینین هرمز بوغازیندان گئچدیکلری سیرادا باش وئردیگی قید ائدیلدی.
آچیقلامادا، اولوسلارآراسی سولاردا حرکت حالیندا اولان آمریکا دونانماسینا باغلی ایکی گمییه، ایرانین سپاه اوردوسونا عاید قاییغین یاناشدیغی بیلدیریلدی.
ایران قاییغینین آمریکا گمیلریندن بیرینین کؤرپوسونه ایشیق توتاراق گؤروش ساحهسینی کور ائتمهیه چالیشدیغی بیلدیریلن آچیقلامادا،
"(ایران قاییغی) آمریکا گمیلرینین ۱۵۰ متر قدر یاخینیندان گئچدی، بو، اؤزللیکله گئجه واختی تهلوکهلی درجهده یاخیندیر" ایفادهسی ایشلهدیلدی.
آمریکا گمیلرینین سسلی و لیزرلی اویاریلار وئردیگی و باشقا بیر اولای چیخمادان یولونا داوام ائتدیگی وورغولانان آچیقلامادا،
"ایرانین سپاه اوردوسونون حرکتلری، اولوسلارآراسی حرفهای و گوونلی دنیزچیلیک داورانیشی استانداردلارینی پوزاراق، یانلیش حسابلاما و توققوشما ریسکینی آرتیردی. اولوسلارآراسی سولارداکی بو تهلوکهلی حرکت، ایرانین اورتادوغوداکی استقرارسیزلاشدیریجی فعالیتینین گؤستریجیسیدیر" دگرلندیرمهسی یئر آلدی.
ایلگیلیلی خبرلر
ایسرائیل اوردوسو لبنانین گونئیینه هاوا هوجومو ائندیریب
ایسرائیل اوردوسونا مخصوص ساواش اوچاقلاری لبنانین گونئیینده ان آزی 13 دفعه 4 نقطهنی ووروب