اوکراینانین دؤرد آیری بؤلگه‌سینده کئچیریلن "رفرندوم"ون نتیجه‌لری آچیقلانیب
اوکراینانین دؤرد ویلایتی‌نین - خرسون،زاپوریژیا، لوگانسک و دونتسک ویلایت‌لری‌نین گله‌جگی ایله باغلی "رفرندوم"ون یئکون نتیجه‌لری آچیقلانیب.
اوکراینانین دؤرد ویلایتی‌نین - خرسون،زاپوریژیا، لوگانسک و دونتسک ویلایت‌لری‌نین گله‌جگی ایله باغلی "رفرندوم"ون یئکون نتیجه‌لری آچیقلانیب.
سپتامبرین 23-دن 27-دک آدی چکیلن اراضی‌لرده اوکراینانین ترکیبیندن چیخماق و روسیا فدراسیونونا داخیل اولماق مسئله‌سی ایله باغلی "رفرندوم‌لار" کئچیریلیب.
بولگه ده‌کی قوندارما سئچکی کمیسیون لارینین غیری-معین معلومات‌لارینا گؤره، قوندارما لوگانسک خالق جمهوریتینده سس‌لرین 100 فایزی حسابلانیب. سئچیجی‌لرین 98،42 فایزی روسیایا بیرلشمه‌یه سس وئریب.
بیلدیریلیب کی، قوندارما دونتسک خالق جمهوریتینده سس‌لرین 56،85 فایزی حسابلانیب و اونلارین 94،75 فایزی روسیایا بیرلشمه‌یه سس وئریب.
بوتون سس‌لر روسیا اوردوسونون نظارتینده اولان خرسون ویلایتینده ده حسابلانیب. رفرندومدا ایشتیراک ائدن‌لرین 87،05 فایزی روسیانین ترکیبینه داخیل اولماغین لئهینه سس وئریب.
زاپوریژیا ویلایتینده ایسه بوتون سس‌لرین ساییلدیغی و سئچیجی‌لرین 93،11 فایزی‌نین روسیایا بیرلشمه‌یه سس وئردیگی بیلدیریلیب.
رفرندوم نتیجه‌سینه گؤره، "بوتون بولگه لرده یوکسک فعال‌لیق تامین ائدیلیب، سس‌لرین 100%-ی حسابلاندیقدان سونرا سئچیجی‌لرین روسیا فدراسیونونا بیرلشمه‌یه دستکی آزی 87% تشکیل ائدیب".
