افغانیستان-دا پرزیدنت سئچکی‌لری‌نین نتیجه‌لری‌نین آچیقلانماسی یئنه تاخیره سالیندی

افغانیستان میللی سئچکی کمیسیونو 28 سپتامبردا کئچیریلن پرزیدنت سئچکی‌لری‌نین ایلکین نتیجه‌لری باره‌ده نویابرین 14-نه تعیین ائتدیک‌لری آچیقلامانی بیر داها تاخیره سالیب.

بونو افغانیستان موستقیل سئچکی کمیسیونونون عضوو آورانگ زیب مطبوعاتا آچیقلاماسیندا دئییب. او دئییب کی، سئچکی نتیجه‌لری غیری-معین زامانادک تاخیره سالیندی. سس‌لرین یئنی‌دن حسابلانماسی نامیزدلرین شیکایت‌لرینی آراش‌دیرماق اوچون دایاندیریلمیشدی.

قئید ائدک کی، سپتامبرین 28-ده کئچیریلن پرزیدنت سئچکی‌لری‌نین ایلکین نتیجه‌لری اوکتبرین 19-دا، یئکون نتیجه‌لری ده نامیزدلرین بوتون شیکایت‌لری آراشدیریلدیق‌دان سونرا – نوامبرین 7-ده آچیق‌لانا‌جاقدی. سونرا ایلکین نتیجه‌لرین آچیقلانماسی نوامبرین 14-نه تعیین ائدیلدی.

دیگر طرف‌دن افغانیستان ایجرا هئیتی‌نین صدری و پرزیدنت‌لیگه نامیزد عبدالله عبدالله پرزیدنت‌لیگه نامیزدلردن گلبدین حکمتیار و رحمت الله نبیل سس‌لرین تکرار ساییلماسینی ایستمه‌دیک‌لرینی آچیقلامیشدی.