Rusiyä xärbi maşinalarınıñ östendäge “Z” xärefeneñ mäğ’näse nindi?

Rusiyä-Ukraina suğışı waqıtında xärbi maşinalar, kiyemnär häm uram cıyını bannerlarınıñ östendä “Z” räweşendä simvol bar.

Bu simvol nindi mäğ’nägä turı kilä soñ?

“Z” simvolı täwge tapqır Ukraina cirlärenä kergän Rusiyä tankları östendä kürende.

Bu simvolnıñ mäğnäse älegä berniçek tä raslanmadı.

Fäqät qayber belgeçlär Rusiyä häm Ukraina tankları ber ük model bulğanlıqtan bu işarätneñ dus utın totqarlaw maqsatın yörtüe äytelä.

Başqalarğa kürä isä bu işarät xärbi berleklärneñ qayda urnaşqanın kürsätü öçen qullanıla.

Bu simvolnıñ ayıruça “ciñü öçen” mäğnäsenä turı kilgän “za pobedu” ğıybaräseneñ qısqartıluı dip uylanıla.

Kiril alfavitında “Z” xärefe bulmasa da bu xäref suğış yaqlı simvolğa äylände.

Rusiyädä qayber maşinalarnıñ östendä bu simvolnıñ yazıluı kürende.

Ayıruça Rusiyädäge millätçe protestçılarnıñ östendäge kiyemnärdä häm Belgradta Rusiyä yaqlı yöreştä qatnaşqan serb protestçıları kütärgän bannerlarda da bu simvol kürenä.

Putin yaqlı säyäsätçe häm xökemgä tartılğan Rusiyä agentı bulğan Maria Butina da şuşı simvol belän räsemgä töşte.

Xätta xalıqara bäyge waqıtında p’yedestalda Ukrainalı köndäşe belän yänäşä torğan Rusiyä gimnastınıñ östendä bu “Z” simvolı kürenä.