"İlebezdä ber könlek milli matäm iğ’lan ittek”

Törkiyä ilbaşı Räcäp Tayyip Ärdoğan kabinet cıyılışınnan soñ belderülär yasadı.

Ul İran ilbaşı İbrahim Räiseneñ häm anı ozatuçı delegaśiyäneñ boralaq hälakätendä faciğale räweştä hälaq buluı turındağı xäbärne tirän qayğı belän qabul itülären äytte.

“Kabinet cıyılışında İran xalqınıñ olı qayğısın urtaqlaşu öçen ilebezdä ber könlek milli matäm iğ’lan itü qararına kildek”,- dide Ärdoğan.

İlbaşı bilgeläp uzğança, Räisi häm yanındağı wäkillek bulğan boralaq kilep töşkännän soñ İrannıñ taläbe belän bu ilgä cibärelgän “Akıncı” pilotsız oçu apparatı hawa torışınıñ naçar buluına qaramastan töbäktä 7,5 säğat’ êzläw êşe alıp bardı häm barlığı 2100 çaqrım oçış yasadı.

”Akıncı” bilgelägän koordinatalar İranğa citkerelde.

Bilgelängän urınğa kilgän İran törkemnäre faciğada isän qaluçı bulmawın açıqladılar.