Ärdoğan İran ilbaşı öçen qayğınamä urtaqlaştı

Törkiyä ilbaşı Räcäp Tayyip Ärdoğan boralaq hälakätendä ğomere özelgän İran däwlät başlığı İbrahim Räisi öçen qayğınamä urtaqlaştı. Ul sośial’ mediadağı yazmasında bolay di: “Boralaq hälakätendä wafat buluı açıqlanğan qaderle wazıyfadaşım, qardäşem, İran islam cömhüriyäte ilbaşı xörmätle İbrahim Räisigä Allahtan yarlıqaw telim”. Ul Räisi belän bergä hälakättä ülgän İran tışqı êşlär ministrı häm başqa keşelär öçen dä qayğı urtaqlaştı, ğailäläre, yaqınnarına sabırlıq teläde.

“Wazıyfasında bulğan çaqta İran xalqı häm regionıbıznıñ tınıçlığı öçen kürsätkän tırışlıqlarınıñ şahite bularaq xörmätle Räisine xörmät häm räxmät belän iskä alam” diyelä Ärdoğannıñ qayğınamäsendä.