Törkiyädä iñ cılı aprel' buldı

Törkiyädä axırğı 53 yılnıñ iñ cılı aprel’ ayı buldı. İlneñ äylänä-tirä moxit, urbanizaśiya häm klimat üzgäreşe ministrı Mäxmät Özxaseki temperatura mäğ’lümatları belän urtaqlaştı.

Aprel’dä Törkiyä külämendä cılılıq urtaça 16,6 gradus bulğan. Bu ğadättägedän 4,3 gradusqa yuğarıraq.

Ministr citkergänçä, iñ tübän temperatura Kayserinıñ Sarız cirlegendä terkälä - minus 9,4 gradus. İñ yuğarısı isä Şanlıurfanıñ Cäylanpınar rayonında - 38,9 gradus.

Mäxmät Özxaseki klimat üzgärüneñ täêsiren kimetü häm balalarğa totrıqlı tormış täêmin itü öçen böten dön’yanıñ êkologiyäne saqlawda berdäm êş itüe kiräklegenä basım yasıy.