“Min “Xamas”nı terrorçı oyışma itep kürmim”
İlbaşı bu xaqta Greśiya prem’yer-ministrı belän ütkärgän urtaq matbuğat oçraşuında citkerde
Törkiyä ilbaşı Räcäp Tayyip Ärdoğan räsmi säfär belän Änkarağa kilgän Greśiya prem’yer-ministrı Kiryakos Miśotakis belän urtaq matbuğat oçraşuı ütkärde.
Miśotakis ”Törkiyä belän Yaqın Könçığış mäs’äläsendä törle fikerlär bar. İzrailneñ Ğazzägä kerüe häm bez terror oyışması dip sanağan “Xamas”nı Törkiyäneñ başqaça qabul itüen beläbez” dip äytkännän soñ Törkiyä ilbaşı “Min “Xamas”nı terrorçı oyışma itep kürmim” dip äytte.
Ärdoğan süzlären tübändägeçä däwam itte:
“Xamas” 1947 nçe yıldan birle cirläre basıp alınğan häm alarnı saqlaw astına alğan qarşılıq kürsätü oyışması. Qızğanıç, bu oyışma İzrailneñ räximsez höcümnärenä qarşı, üz cirlären saqlaw öçen köräşüçe qarşılıq kürsätü oyışması. Min “Xamas”nı terror oyışması itep kürmim. İlebezdä 1000 nän artıq “Xamas” äğ’zası däwalana. Könbatış alarğa törle qorallar belän höcüm itä. Sez “Xamas”nı terrorçı oyışma dip atasağız, bu mine borçuğa salır”,- dide.
