"Netan’yaxu Gitlernı könläştererlek däräcägä citte”

Törkiyä ilbaşı Räcäp Tayyip Ärdoğan Greśiyäneñ “Katimerini” gazetına interv’yu birde.

”Sez Ğazzädä qılğan ğamälläre arqasında İzrailne ğayeplisez häm İzrail prem’yer-ministrı Netan’yaxunı “üz zamanınıñ Gitlerı”na oxşatasız.  İzrail häm Könbatış illäre terrorçı dip bäyälägän “Xamas”nı azatlıq xäräkäte dip yaqlıysız. Törkiyäneñ qaraşın añlatıp biregez äle” digän sorawğa ilbaşı Ärdoğan tübändägeçä cawap birde:

“İzrailneñ aylar däwamında Ğazzä xalqına nilär yäşätüen küräbez, anıñ xastaxanälärne bombalawı, balalarnı üterüe, tınıç xalıqnı cäberläwe, törle sıltawlar belän ğayepsez keşelärne aç, susız, darularsız qaldıruı legal’me? Gitler üz waqıtında närsä êşläde? Konślager’larda keşelärne cäberläde häm üterde. 7 nçe oktyab’dän soñ ğına tügel, ä yıllar êlek tä Ğazzä açıq hawa törmäsenä aylänmädeme? 7 nçe oktyabr’dän soñ Ğazzädäge iñ räximsez häm sistemalı üterülär öçen kem cawaplı? Keşelärgä “Şunda kitegez” dip äytep anda boma yawdırğan İzrailne ni dip atarğa? Netan’yaxu üze başqarğan genośid ısulları belän Gitlernı könläşterä torğan däräcägä citte”.

Ärdoğan aşığıç yardam maşinalarına, azıq-tölek taratu punktlarna, yärdäm konvoylarına höcüm itkän İzrail turında süz baruın belderep bolay dide:

“Ğazzädä keşelärneñ distälägän xoquqları häm irekläre, ayıruça yäşäw xoquqı ayaqlar astına salıp taptala. Bez alarnıñ xoquqların, tınıçlıqnı yaqlıybız. İzrail isä Berläşkän Millätlär Oyışması qararların, xalıqara xoquqnı, keşe xoquqların bozunı däwam itä. Küz aldına kiteregez, kemder sezneñ öyegezgä kilep “Bu urın xäzer mineke, sez monnan kitegez” disä, sez nişlärsez, nindi totış kürsätersez? “Kilegez, minen öyemdä yäşägez, disezme, yäisä üz öyegezne yaqlıysızmı? Sez üz öyegezne saqlarğa häm ğadelsezlekkä qarşı torırğa tiyeş”.

Ärdoğan İzrailneñ monı Ğazzäda genä tügel, ä barlıq Fälästin cirlärendä êşläwen assızıqladı.