Törek rizıqları qabat isemlektä aldınğı

Dön’yadağı iñ yaxşı yoğırtlı rizıq dip töreklärneñ “çökärtmä kebabı” dip saylandı. Tradiśional’ reśeptlarğa östenlek birüçe “Taste Atlas”(Täm atlası) proyektı dön’yadağı iñ yaxşı yoğırtlı rizıqlarnıñ isemlegen täq’dim itä. Anda berençe 20lektä 6 törek rizığı urın ala. Berençe urında - Muğla töbäge Bodrum rayonınnan çıqqan “çökärtmä kebabı”.

İsemlektä ikençe urında - Hindstannıñ “tanduri” rizığı. Öçençedä - Gerśiyäneñ “śadziki”ye, dürtençedä qabat töreklär - bu yulı mantıy belän. Törek rizığı cidençe urında da bar - anda “tawıq şaşlığı”n quyğannar. Ä 13nçe urında “xaydari”, 19nçıda - “cacık” rizığı.