Törkiyä xärbi bazaların nığıta

Törkiyä milli saqlanu ministrı Yaşar Gülär baza cirleklärendä iminlek çaralarınıñ arttırıluın belderde. Ul, parlamentnıñ ğomum şurasında terrorçılıqqa qarşı köräş turında mäğ’lümat birep, Törek qorallı köçläreneñ 2019nçı yılda Ğıyraqnıñ tön’yağında başlanğan “Pänçä” xäräkätläreneñ separatist terrorçı oyışma “PKK”nıñ aktivlığın çikläw mäs’äläsendä ähämiyätle qazanışlar kiterüen äytte.  

Yaşar Gülär: “Armiyäneñ anda ni êşe bar?” şikelle sorawlar kilüen citkerep: “Xäzer anda bulmasa idek, oyışmanıñ çiklärebezgä höcümnäre êlekkege şikelle däwam itär, şähärlärebezdä tağın da zurraq qorbannar birer idek”,-dide. Ul bügen il êçennän şähit xäbärläre kilmäwen, baza cirleklärenä höcüm yasalmawın assızıqladı. “Bu terrorçılıqnı çığanağında yuq itü strategiyäbezneñ uñışın kürsätä,”-dide ministr.  

Yaşar Gülär töbäktäge bazalarnıñ iminlek çaraların daimi arttıruların belderde. “Pänçä” xäräkäte baruçı urınnardağı bazalarğa “PKK”lı terrorçılarnıñ 3 meñ 151 tıqşınu häm sızu omtılışı bulğan, moña cawap itep Ğıyraqnıñ tön’yağında 1689 terrorçı täêsirsez xälgä kiterelgän.