Gülär: “Törkiyä Qavqazdağı totrıqlılıqqa ähämiyät birä”
Gülär: "Töbäktä tiz arada daimi tınıçlıqnıñ urnaştırıluı öçen zur tırışlıq sarıf itäbez, can qardäşebez Azärbaycannı “ike däwlät, ber millät” añlayışı belän yaqlarğa däwam (дәвам) itäbez”
Törkiyä Milli saqlanu ministrı Yaşar Gülär, Qavqazdağı totrıqlılıqqa bik zur ähämiyät birülären belderep: "Töbäktä tiz arada daimi tınıçlıqnıñ urnaştırıluı öçen zur tırışlıq sarıf itäbez, can qardäşebez Azärbaycannı “ike däwlät, ber millät” añlayışı belän yaqlarğa däwam (дәвам) itäbez”, - dide.
19nçı sentyabr’ Ğazıylär (veterannar) köne mönäsäbäte belän başqala Änkarada Milli saqlanu ministrlığında tantana oyıştırıldı.
Tantanada çığış yasawçı Gülär terrorçılıq belän köräştä ireşelgän zur uñışlar belän bergä zäñgär häm kük watanda xaq-xoquqlarnı häm mänfäğätlärne saqlaw êşçänlegen dä zur omtılış häm tırışlıq belän alıp baruların belderde.
Gülär: “Milli mäs’äläbez bulğan Kiprda da garantiya häm ittifaq kileşüläre qısalarında anda bez, Kipr qardäşlärebezneñ legal’ mänfäğätlären här şartta yaqlıybız. Kipr qardäşlärebezneñ qazanılğan xaq-xoquqları bulğan suveren tigezlekläre häm tigez xalıqara statuslarınıñ raslanuı bezneñ öçen alıştırğısızdır”, - dip iskärtep uzdı.
Qavqazdağı totrıqlılıqqa da ähämiyät birülären bilgeläp uzuçı Gülär: Töbäktä tiz arada daimi tınıçlıqnıñ urnaştırıluı öçen zur tırışlıq sarıf itäbez, can qardäşebez Azärbaycannı “ike däwlät, ber millät” añlayışı belän yaqlarğa däwam (дәвам) itäbez”, - dip äytte..
Milli saqlanu ministrı: “Şul uq waqıtta xörmätle İlbaşıbız Räcäp Tayyip Ärdoğannıñ iniśiativaları (инициативалары) belän ilebezneñ koordinaśiyäsendä (координацисендә) tormışqa aşırılğan häm êffektivlığı belän aşlıq krizisınıñ xäl itelüenä zur öleş kertkän Qara diñgez aşlıq kileşüeneñ yañadan aktivlaştırıluı öçen konstruktiv kereşülärebezne däwam (дәвам) itteräbez. Telägebez – töple totış belän iniśiativanıñ (инициативаның) qabat ğamälgä kertelüe häm nigezdä ike kürşebez (Rusiyä-Ukraina) arasındağı bu suğışnıñ tiz arada beterelüe”, - dip äytte.
