Ärdoğan: “Kipr utrawında tigez ike däwlätneñ bergä yäşäw idealın yaqlağız”

Farsı qultığı säfären tögälläp Tön’yaq Kipr Törek Cömhüriyätenä kitkän İlbaşı Ärdoğan başqala Läfkoşada tözelüe tämamlanğan Yaña Ärcan hawa mäydanınıñ açılış tantanasında çığış yasadı.

1975nçe yılnıñ 3nçe fevral’ könne grajdan hawa transportına açılğan Ärcan aêroportınıñ yaña terminalınıñ êlekkesenä qarağanda 6 tapqırğa zuraytıluın, bu räweşle (рәвeшлe) 10 million yulçığa xezmät kürsätä alaçağın belderüçe Ärdoğan bügenge köndä Ärcan hawa mäydanınıñ Kipr utrawınıñ iñ zur yulçı küätenä iyä aêroportı buluın iskärtep uzdı.

Yaña terminal häm oçış yulı xalıqara reyslar öçen qullanılaçaq könnärneñ yıraq tügellegenä basım yasawçı (ясaучы) Ärdoğan: "Bu äsär Könçığış Urta diñgezdä totrıqlılıq mäydanı bulğan Tön’yaq Kipr Törek Cömhüriyäteneñ töbäktä brendqa äylänüenä öleş kertäçäk”, - dip äytte.

Xalıqara cämäğätçelekne Tön’yaq Kipr Törek Cömhüriyätenä qarata xoquqıy yaqtan nigezsez, tulısınça säyäsi bulğan çikläwlärne beterergä çaqıruçı Ärdoğan: "Kipr utrawında basım astında totunı, kiyırenkelekne häm bäreleş (tartqalaşu) kul’turasın tügel, tigez ike däwlätneñ yänäşä bergä yäşäw idealın yaqlağız, çaqıruımnı qabatlap äytäm”, - dip belderde.

Däwlät başlığı Ärdoğan soñınnan Tön’yaq Kipr Törek Cömhüriyäte İlbaşı Ärsin Tatar belän küreşep söyläşte.

Qara-qarşı söyläşüdän soñ ike lider Türkiyä (Төркия) belän Tön’yaq Kipr Törek Cömhüriyäte arasında 2 kileşügä qul quydı.