İlbaşı söyläşülär ütkärde

Türkiyä ilbaşı Räcäp Tayyip Ärdoğan qayber il liderları belän telefonnan söyläşülär ütkärde.

Ärdoğan Tön’yaq Kipr Törek Cömhriyäte ilbaşı Ärsin Tatar, Azärbaycan ilbaşı İlham Äliyıv, Qazaqstan ilbaşı Qasıym-Cumart Toqayıv, Üzbäkstan ilbaşı Şäwkät Mirziyayıv, Berläşkän Ğaräp Ämirlekläre däwlät başlığı Möxämmäd bin Zayed Äl Naxyan, Somali ilbaşı Xäsän Şäyıx Mäxmüd, Aljir ilbaşı Abdülmäcid Täbbun belän telefon aşa êlemtägä kerde.

Söyläşülärdä liderlar ber-bersen Qorban bäyräme belän qotladılar, bäyrämneñ törki dön’yağa, İslam dön’yasına häm böten keşelekkä tınıçlıq, bäräkät kiterüen telädelär.

Türkiyä ilbaşı Toqayıv belän söyläşüendä Qazaqstannıñ Abay töbägendäge urman yanğınnarı belän bäyle borçıluların citkerde, Türkiyäneñ töbäktä başqarılaçaq êşçänleklärgä yärdäm kürsätergä äzer buluın äytte.

İlbaşı Ärdoğan Mirziyayıv belän söyläşüendä 9 nçı iyül’dä Üzbäkstanda uzaçaq ilbaşı saylawında Şäwkät Mirziyayıvqa uñışlar teläde.

Ärdoğan Somali ilbaşı belän söyläşü waqıtında Somalida säyäsi kileşü häm tınıçlıq urnaştıru öçen kiñ qırlı barışnı yaqınnan küzätep baruların belderep “Bez sezgä yärdämne däwam itärbez”, - dide.

Türkiyä ilbaşı Ärdoğan Aljir ilbaşı belän söyläşüdä Yuğarı däräcäle xezmättäşlek şurasınıñ soñğı cıyılışında qabul itelgän qararlarnı tormışqa aşıru prośessın yaqınnan küzätep baruın belderep, yärdämnärneñ däwam itäçägen assızıqladı.