"Kilis belän cir teträwdän zıyan kürgän 11 şähärdä 650 meñ yort salaçaqbız"

Türkiyä ilbaşı Räcäp Tayyip Ärdoğan Kilis belän cir teträwdän zıyan kürgän 11 şähärdä 650 meñ yort salaçaqların äytte.

Ul kiçä Kilistä yasağan belderüendä 1 meñ 643 afät yortı häm 2 meñ 628 awıl yorti töziyäçäklären xäterlätte.

”Şähärebezdä tözeläçäk toraqlarnıñ ğomumi sanı 4 meñ 271 gä citä. Bügen 649 toraqqa nigez saldıq, 486 awıl yortınıñ tendrın yasadıq. Şulay itep afät töbägendä barlığı 67 meñ 50 toraq häm awıl yortı tözeleşe başlandı” dide ilbaşı.

Kön sayın xäräbälärne çistartıp tözeleşlär başlanğaç ömetlärneñ dä yañadan yäşärüen äytüçe Ärdoğan “Bez bu êşlärne şähärlärneñ demografiya, sośiologiya, tarix, mädäniyät, sänäğat’, arxitektura strukturasın saqlap başqarabız. Gorizontal’ arxitektura prinśibın bozmıybız. Toraq yortlar 4 qattan ta artmas” dide .