Paqıstannıñ yärdäm köymäse Türkiyädä

Ul afättän zıyan kürüçelärgä 2 meñ 600 qışqı çatır, odeyallar häm başqa yärdäm materialları alıp kilde

1964284
Paqıstannıñ yärdäm köymäse Türkiyädä

Gumanitar yärdäm töyälgän Paqıstan diñgez flotınıñ ikençe xärbi köymäse Türkiyäneñ Märsin xalıqara portına kilep citte.

Ul 6 nçı fevral’dä bulğan Kaxramanmaraş êpiśentrlı cir teträwlärdän soñ afättän zıyan kürüçelärgä 2 meñ 600 qışqı çatır, odeyallar häm başqa yärdäm materialları alıp kilde.

Köymädä 23 nçe mart-Paqıstan milli köne uñayınnan uzğan tantanada Paqıstan gimnı astında il bayrağı kütärelde, annarı Türkiyäneñ däwlät gimnı yañğıradı.

Türkiyä êçke êşlär ministrı urınbasarı İsmail Çataklı biredä yasağan çığışında Türkiyä häm Paqıstannıñ awır waqıtlarda gel ber-bersenä yärdäm itüen, bergä buluın söyläde.

“Ayıruça awır waqıtlarda ber-berebezgä kürsätkän teläktäşlek, berdämlek - illärebez häm xalıqlarıbız arasındağı tığız bäyläneşneñ häm “Hişşiksez möselmannar qardäşlär” şiğare belän êş itüneñ iñ açıq misalı”,- dide İsmail Çataklı.

 



Bäyläneşle xäbärlär