"10 yıldan artıq kürelmägän afät"

Awrupa Berlege tışqı mönäsäbätlär häm iminlek säyäsäte yuğarı wäkile Djozef Borrell üze qatnaşqan cıyılışta Kaxramanmaraş cir teträweneñ qorbannarı öçen ber minut tın qalırğa çaqırdı. Ul “Dezinformaśiyäneñ ar’yağında: çit mäğ’lümat manipulyaśiyäsenä qarşı Awrupa Berlege reakśiyäse” dip ataluçı konferenśiyädä çığış yasadı.

“Süzläremne cıyılışıbız belän hiç bäyle bulmağan temadan başlarğa telim,”-dide Borrell häm Türkiyä belän Süriyägä bärgän zilzilädä meñnärçä binanıñ cimerelüen söyläde.

“10 yıldan artıq kürelmägän tabiğıy afät. Türkiyä häm Süriyädä meñlägän keşeneñ ğomeren özde. Qorbannarnı häm isännärne tabu öçen könne töngä yalğap êşläwçe qıyu qotqaru xezmätkärlären iskä töşerik,”-dip söyläde Borrell. Soñınnan ul ber minutlıq tınlıq iğ’lan itte.