“Bez, Türkiyä bularaq, NATOnıñ kiñäyüenä qarşı tügel”

Türkiyä tışqı êşlär ministrı Mävlüt Çavuşoğlu Şveśiya häm Finlyandiyäneñ NATOğa äğ’zalığı xaqında “Bez, Türkiyä bularaq, NATOnıñ kiñäyüenä qarşı tügel” dide.

Ul bu xaqta başqala Änkarada Portugaliya tışqı êşlär ministrı Djoa Gomes Kravinxo belän küreşep söyläşkännän soñ uzdırılğan matbuğat oçraşuında citkerde.

Ul Türkiyä ilbaşı Räcäp Tayyip Ärdoğannıñ Finlyandiya xaqında belderüenä tuqtalıp bolay dide: ”İlbaşıbıznıñ kiçäge süzläre prośess başlanğannan birle yasağan belderülärebezne raslaw ide. İke ilneñ möräcäğat’ prośessı başlanğannan birle Finlyandiyanıñ problemaları azraq buluın äytä kildek. Problemalı il belän probleması az bulğan ilne ayıru ğadel bulır. Läkin bu ike ilneñ äğ’zalıq prośessınıñ bergä alıp barıluı soraldı. Şuña kürä iyün’ ayında NATO sammitında Türkiyä belän öç yaqlı memorandum imzalandı. Ul könnän birle Finlyandiya qayber adımnar yasadı, läkin Şveśiyadäge kebek provokaśiyälär bulmadı”.

Çavuşoğlu Türkiyäneñ NATOnıñ kiñäyüenä qarşı tügellegen belderep:” Bezdä Finlyandiya häm Şveśiya belän kategorik problemalar yuq, bez alarnıñ qurqınıçsızlıq borçıluların añlıybız. Türkiyäneñ borçıluların añlaw ğına citmi, alar ütälergä tiyeş. Bez Finlyandiyägä Şveśiyädän bäysez bäyä birä alabız dide ilbaşıbız. Bez bu mäs’älädä ğadel buırğa tiyeş. Şuña kürä ilbaşıbız monı assızıqlıy”,- dide.

Türkiyä ilbaşı Räcäp Tayyip Ärdoğan kiçäge çığışında “Bez Finlyandiya turında başqa törle qarar birä alabız, Şveśiya şaqqatır” digän ide.