Türkiyädä tabılğan neft’ êşläp çığarıla başlandı

Dönmäz qatnaşqan şäxsi ber televideniye kanalında Türkiyäneñ Şırnak vilayätendä ütkärelgän neft’ êzläw êşçänlege turında söyläde.

Töbäktä yaqınça ber yılda seysmik tikşerenülärneñ arttırıluın belderüçe Dönmäz, moñarçı iminlek arqasında neft’ êzläw êşçänlegeneñ ütkärelä alınmawın iskärtep uzıp: "Xärbilärebez terrorçılıqtan çistartqan töbäklärdä bez xäzer inde seysmik tikşerenülärebezne ütkärdek häm borawlaw êşlären başqardıq”, - dip äytte.

"Şırnaktağı Gabar tawı häm tiräsendä xäzerge waqıtta dürt qoyıda (skvajinada) könenä 1200-1300 miçkä tiräsendä neft’ citeşterüebez bar,” – dip mäğ’lümat birüçe Dönmäz: "Anda qoyı (skvajina) sanın 10ğa citkerüne häm annan da arttırunı maqsat itäbez”, - dide.

Gabar tawınıñ başqa ber töbägendä alıp barılğan seysmik êşçänlekneñ dä tämamlanırğa tiyışlegen äytüçe Dönmäz: "Anda soñğı waqıtlarda cirdä yasalğan iñ zur açışlardan berse bula ala. Êşçänlek tögällängännän soñ anı da açıqlarbız”, - dip belderde.

Ministr Dönmäz rezerv belän bäyle êşçänlekneñ tämamlanuınnan soñ yıl axırında yäki kiläse yılnıñ başında belderüneñ yasala alınaçağına iğ’tibarnı yünältte.

Türkiyä ênergetika häm tabiğıy çığanaqlar ministrı Şırnakta neft’ êzläw êşçänlegen däwam itäçäklärenä basım yasadı.