Ärdoğan Caparovnı qotladı

Qırğızstan İlbaşı idaräsennän yasalğan belderüdä Türkiyä Däwlät başlığı Ärdoğannıñ qotlawnamäsendä Qırğızstan belän urtaq tel, din, tarix, mädäniyät häm qıymmätlärgä nigezlängän küp yaqlı mönäsäbätlärneñ yaña strategik urtaqlıq däräcäsenä citüenä bik şat buluın belderüe äytelde.

Belderüdä İlbaşı Ärdoğannıñ dus häm qardäş Qırğızstan belän Törki däwlätlär oyışması qısalarında küp yaqlı format belän bergä ike yaqlı häm regional’ däräcädä mönäsäbätlärne üsterü, bu räweşle ike yaqlı fayda täêmin itkän xezmättäşlekneñ böten ölkälärendä iminlekkä, totrıqlılıqqa häm mullıqqa öleş kertüe öçen ike yaqlı tırışlıqların däwam itteräçäklärenä basım yasawı citkerelde.

İlbaşı Ärdoğannıñ Däwlät başlığı Caparovnı tuğan köne belän täbrik itüe äytelgän belderüdä Ärdoğannıñ yullamasında: “Qardäş xalıqlarıbız arasındağı bağlanışlarnıñ köçle buluın häm nığıy baruçı ike yaqlı mönäsäbätlärebez näticäsendä Türkiyä belän Qırğızstan arasındağı duslıqnıñ ğasırlar buyı däwam itüen telim”, - dip äytüe iskärtelep uzıldı.