Türkiyä saqlanu ministrı Baqıda

Başqala Baqıdağı İlbaşı sarayında uzğan qabul itü waqıtında Akar törki dönyanıñ böyık häm ziräk liderı Xäydär Äliyıv bilgelägän "ber millät, ike däwlät” añlayışı belän ike il arasındağı qardäşlekneñ däwam itüenä basım yasadı.

30 yıllıq yawnı 44 kön däwam itkän Watan suğışı belän betergän Azärbaycannıñ Ciñü könen täbrik itüçe Akar: "Azärbaycan ğaskäre 44 kön däwam itkän Watan suğışı belän yaw astındağı üz cirlären okkupaśiyädän azat itte. Ciñä alaçaq köçkä, mömkinlekkä häm sälätkä iyä buluın, törekneñ köçen böten dönyağa kürsättelär”, - dip äytte.

Täräqqıyätlärne yaqınnan küzätülären belderüçe Akar: "Azärbaycan qardäşlärebez belän xezmättäşlegebezne däwam itteräbez. Xärbi mäğarif xezmättäşlege häm konsul’taśiya belän saqlanu sänäğäte mäs’älälärendä nilär başqara aluıbız östendä bergä êşlibez häm qararğa kiläbez,” – dip iskärtep uzdı.

Azärbaycan häm Türkiyäneñ bergä suzğan tınıçlıq qulınıñ Ärmänstan tarafınnan añlaşıluı häm zarur bulğannıñ yasaluına basım yasawçı Akar: "Monıñ töbäk öçen dä möhim buluın, bu räweşle Qavqaznıñ tınıçlıq häm totrıqlılıq töbägenä äylänä alaçağın Ärmänstan belän bergä härkemneñ kürüe kiräk”, - dide.

Türkiyä Milli saqlanu ministrı Akar soñınnan Azärbaycanlı wazıyfadaşı armiya generalı Zakir Xäsänov belän oçraştı.

Üzara häm wäkilleklärara söyläşülärdän soñ yasağan belderüendä Hulusi Akar, ike il arasındağı duslıqnıñ häm qardäşlekneñ “ber millät, ike däwlät” añlayışı belän iñ yuğarı däräcädä däwam itüen belderep: "Türkiyä bularaq bügengä qadär bulğanı kebek monnan soñ da Azärbaycanlı qardäşlärebez belän ber yomrıq, ber yöräk bulırğa däwam itäçäkbez. Bez härwaqıt can Azärbaycan belän bergä. Azärbaycan berqayçan da yalğız tügel”, - dip äytte.

Xäsänov ta, Türkiyä häm Azärbaycan saqlanu ministrlıqları arasındağı xezmättäşlekneñ artıp däwam itüenä basım yasap, Akarğa yaqlawları öçen räxmäten belderde.