PN MİLGEM proyektındağ öçençe köymä İstanbulda diñgezgä cibärelde

PN MİLGEM proyektındağı öçençe köymäne diñgezgä cibärü tantanası İstanbulda ütte.

Paqıstan 2018 nçe yılda qul quyılğan kileşü nigezendä Türkiyädän MİLGEM kategoriyäsendäge 4 köymä satıp alaçaq.

Korvetlarnıñ ikese Türkiyädä,qalğan ikese Paqıstanda tözelä.

4 MİLGEM kategoriyäsendäge korvetnıñ öçençese bulğan PNS Khyber diñgezgä cibärelgännän soñ proyektnıñ dürtençe häm soñğı köymäse2023 nçe yılda Paqıstanda xezmät kürsätä başlayaçaq.

Läkin köymälär tözeleşe däwam itäçäk.

Köymälär 2023 nçe yıldan 2025 nçe yılğa qadär 6 ay sayın tapşırılaçaq.

Köymälär Hind okeanında Paqıstan armiyäse isemennän wazıyfa başqaraçaq.

Türkiyä ilbaşı Räcäp Tayyip Ärdoğan häm Paqıstan prem’yer-ministrı Şahbaz Şärif xärbi köymäne tantanalı räweştä qullanılışqa tapşırdı.

Türkiyä milli mömkinleklärennän faydalanıp köymälär proyektlıy häm citeşterä alğan dön’yanıñ 10 ileneñ berse.

Türkiyä häm Paqıstan arasındağı kileşü texnologiya küçerüne dä üz êçenä ala.

Şul räweşle Paqıstan kiläçäktä üz köymälären citeşterä alaçaq.