TİKA Qırğızstanda sälamätlek saqlaw ölkäsendä büläkkä layıq buldı
TİKA Törki xezmättäşlek häm koordinaśiya agentlığı Qırğızstanda sälamätlek saqlaw tarmağına kürsätkän yärdäm öçen yıl premiyäsenä layıq buldı
Qırğızstan sälamätlek saqlaw ministrlığınıñ öleşe belän “Medfarm” farmaśevtika häm mediśina êşçänlege konsul’taśiya şirkäte başqala Bişkäktä "Ürnäk 2023 büläkläw tantanası”n oyıştırdı.
Tantanada Qırğızstan Ministrlar Şurası başlığı urınbasarı Ädil Baysalov, Sälamätlek saqlaw ministrı Alımkadır Bäyşänaliyev, Qırğızstan farmaśevtika däwlät oyışması başlığı urınbasarı Aybäk Cumakayev, Qırğızstan säwdä häm sänäğät palatası başlığı Tämir Sariyev, Törkiyäneñ Bişkäk tulı wäqalätle ilçese Äxmät Sadık Doğan belän bergä ilneñ sälamätlek saqlaw tarmağında êşçänlek alıp baruçı oyışmalarnıñ häm şirkätlärneñ citäkçeläre, sälamätlek saqlaw personalı, ictimağıy oyışma wäkilläre häm çaqırılğannar qatnaştı.
Tantanada bıyıl ikençese oyıştırılğan sälamätlek saqlaw ölkäsendä ürnäk häm original’ xezmätlär başqarğan keşelärgä häm oyışmalarğa birelgän büläklär tapşırıldı.
TİKA "Qırğızstan Cömhüriyäteneñ sälamätlek saqlaw tarmağına yärdäm” kategoriyäsendä "Ürnäk-2023" bülägenä layıq buldı. Premiyäne Ministrlar Şurası başlığı urınbasarı Baysalov TİKAnıñ Bişkäk programması koordinatorı Mäxmät Bodurğa täq’dim itte.
Tantana waqıtında 2022nçe yılda balalarnı däwalawğa kertkän öleşe öçen "Ürnäk keşe-2022" kategoriyäseneñ bülägen Törkiyäneñ Bişkäk tulı wäqalätle ilçese Doğannıñ aluı xäterlätelde.
Säxnädäge çığışın: "Qırğızstan bezneñ ata-babalarıbıznıñ watanı, şuña kürä ata-babalarıbıznıñ telendä söyläşergä telim”, - diyep başlağan Doğannıñ bu süzläre tantanada qatnaşuçılarnıñ alqışlarına kümelde.
Doğan qırğızça yasağan çığışında adäm balasınıñ missiyäsenä tuqtalıp uzdı. Keşeneñ yaxşı häm matur êşlär başqaru öçen dönyağa kilüen äytüçe Doğan: "Yaxşılıqta ğadellek, sälamätlek häm berdämlek bar. Qırğızstan xalqına yaxşılıq telim”, - dide.
Tanılğan cırçılar säxnägä çıqqan tantanada xalıq biyüläre dä täq’dim itelde.
