Tatar: “Tön’yaq Kipr Törek Cömhüriyätenä yasalğan ğadelsezleklärne tuqtatırğa kiräk”

Tatar Ärcan hawa mäydanınıñ yaña terminal binasınıñ açılış tantanasında yasağan çığışında: "Bügen Ärcan aêroportınıñ yaña terminalı, oçış yulı belän, biredäge cihazları belän, biredäge iminlege belän, mondıy ber hawa mäydanı kön’yaqta da xätta yuq, bik küp ildä dä xätta yuq”, - dip äytte.

Xalıqara bäyläneşle oçışlarda awırlıq yäşänüenä işarät itüçe Tatar Türkiyä (Төркия) aşa dönyanıñ här yağınnan Tön’yaq Kipr Törek Cömhüriyätenä reyslarnıñ buluın citkerde.

Kipr törek xalqı isemennän xalıqara cämäğätçelekkä tağın ber qat möräcäğät itüçe Ärsin Tatar: "(Tön’yaq Kipr Törek Cömhüriyätenä yasalğan) Bu izolyaśiya (изоляция), êmbargolar, çikläwlär häm bigräk tä säyäxät irege yağınnan bezgä yasalğan ğädelsezleklärne inde beterergä kiräk. Çönki säyäxät irege keşeneñ iñ tabiğıy xoquqı”, - dide.

Başqa illärdän Tön’yaq Kipr Törek Cömhüriyätenä kilergä teläwçe küp sanda watandaşqa kirtä tudırıluın, bigräk tä Angliyadan turıdan-turı oçışlarnıñ bulmawnıñ (булмaуның) keşe xoquqların bozuğa häm çikläwgä yul açuın iskärtep uzuçı Tatar:

"Könçığış Urta diñgezdäge törek däwläte bularaq Tön’yaq Kipr Törek Cömhüriyäteneñ şuşındıy hawa mäydanına iyä buluınıñ bezneñ öçen ni qadär ğorurlıq häm bezneñ öçen däräcäle alğarış buluın millätebez belän biredän urtaqlaşırğa telim”, - dip belderde.