Şanxay xezmättäşlek oyışması sammitı qayçan uzaçaq?

Hindstan tışqı êşlär ministrlığınnan yasalğan yazmaça belderügä kürä, uzğan yıl Üzbäkstannıñ Sämärqand şähärendä äğ’za il liderlarınıñ tulı qatnaşuında yözgä-yözgä ütkärelgän Şanxay xezmättäşlek oyışması sammitı bıyıl 4nçe iyül’dä Hindstannıñ qabul itüendä video konferenśiya yulı belän oyıştırılaçaq.

Yuğarı däräcäle oçraşuğa oyışmağa äğ’za illär Qıtay, Rusiyä, Qazaqstan, Qırğızstan, Paqıstan, Tacikstan häm Üzbäkstan belän bergä İran, Belarus häm Monğoliyanıñ küzätüçe il bularaq çaqırıluı belderelde.

Sammitnıñ ni öçen video konferenśiya ısulı belän uzdırılaçağına qağılışlı mäğ’lümat birelmägän bulsa, qararnıñ äğ’za illär belän kiñäşläşep qabul itelüe citkerelde.

Türkiyäneñ "dialog urtağı” bularaq urın alğan Şanxay xezmättäşlek oyışması täwge tapqır "Şanxay bişlege” iseme belän 1996nçı yılda Qıtay, Rusiyä, Qazaqstan, Qırğızstan häm Tacikstan wäkilläreneñ Qıtaynıñ Şanxay qalasında cıyılıp, Çik buyı töbäklärendä xärbi qurqınıçsızlıqnıñ arttırıluı kileşüenä qul quyuı belän tözelgän ide.

Üzbäkstannıñ 2001nçe yılda quşıluı belän äğ’za sanı 6ğa citkän “Şanxay bişlege”neñ iseme "Şanxay xezmättäşlek oyışması” dip üzgärtelgän ide. Paqıstan häm Hindstan da soñınnan tulı äğ’za bularaq oyışmağa qabul itelgän ide.