Tatarstan Räise Ärdoğannı saylawda ciñüe belän qotladı

Tatarstan Räise Röstäm Miñnexanov Türkiyäneñ ğamäldäge lideri Räcäp Tayyip Ärdoğannı ilbaşı saylawında ciñüe belän täbrik itte.

“Türkiyä Cömhüriyäte ilbaşın saylawda ciñüegez uñayınnan iñ cılı qotlawlarnı qabul itep alığız. Uzğan saylawnıñ näticäläre Sezneñ il grajdannarı arasında bäxässez abruyığız, alarnıñ aktiv xezmät itärgä häm Sezneñ citäkçelektä sośial’-iq’tisadi burıçlarnı xäl itärgä äzer buluı xaqında söyli.

Watandaşlarığız Sezgä Türkiyä däwläte yazmışın häm üz kiläçägen ışanıp tapşırdı. Bu bügenge tiñdäşe bulmağan global’ totrıqsızlıq şartlarında ayıruça zur ähämiyätkä iyä häm Sezneñ köçle, täcribäle däwlät êşleklese, aldan kürüçän, talantlı säyäsätçe buluığıznı raslıy. Sezgä çın küñeldän zur ciñülär, Türkiyä däwläten nığıtu häm üsterü êşendä barlıq strategik maqsatlarğa ireşüegezne, üz xalqığıznıñ bäxete xaqına aktiv xezmät itü öçen ênergiyägezneñ taşıp toruın telim”, – diyelä Tatarstan Räise qotlawında.