Üzbäkstan ilbaşı Törki däwlätlär oyışması ğomum särqatiben qabul itte

Üzbäkstan ilbaşı Şäwkät Mirziyayev Törki däwlätlär oyışması ğomum särqatibe tulı wäqalätle ilçe Kubanıçbäk Ömüraliyevne qabul itte.

Üzbäkstan ilbaşı idaräse beldergänçä, Mirziyayev İq’tisadi xezmättäşlek oyışması tışqı êşlär ministrları cıyılışı qısalarında Taşkentqa kilgän Ömüraliyev belän oçraştı.

Mirziyayev häm Ömüraliyev oçraşuda Üzbäkstannıñ Törki däwlätlär oyışmasındağı çirattağı räislege çorındağı maqsatları häm burıçların tormışqa aşıru turında söyläştelär.

Ömüraliyev 11 nçe noyabr’dä Sämärkandta uzğan sammit näticäläreneñ zur ähämiyätkä iyä buluın  häm anda oyışma êşçänleklären üsterü öçen möhim dokementlarğa qul quyılğanın iskärtte.

Törki däwlätlär oyışması ğomum särqatibe Kubanıçbäk Ömüraliyev oyışma qısalarında xezmättäşlek häm partnyerlıq potenśialın tormışqa aşıru öçen Üzbäkstan belän tığız xezmättäşlek itärgä äzer buluların belderde.