Tatarstan ilbaşı Stokgol’mdağı Qor’änne yandıru ğamälen ğayepläde
Röstäm Miñnexanov:"Mondıy ğamällär śivilizaśiyälärneñ cimerelüenä, şulay uq cämğıyät’neñ tarqaluına kiteräçäk”
Tatarstan ilbaşı, “Rusiya - İslam dön’yası” strategik küzallaw törkeme räise Röstäm Miñnexanov Stokgol’mdağı Qor’änne yandıru ğamälen ğayepläde.
“Mondıy ğamällär śivilizaśiyälärneñ cimerelüenä, şulay uq cämğıyät’neñ tarqaluına kiteräçäk” dip belderde Miñnexanov Şveśiyäneñ Rusiyädäge ilçese Anna Malena Mardqa yullağan telegrammasında.
“Dini kitaplarnı mäsxärä itüne aqlap bulmıy. Bu böten dön’yadağı möselmannarnı mısqıl itü, dinnän kölü, anıñ demokratik häm ğomumkeşelek qıymmätläre belän bernindi urtaqlığı da yuq. Bez “Rusiya-İslam dön’yası“ strategik küzallaw törkeme äğ’zaları, böten dön’yadağı millionlağan möselmannar belän bergäläp Şveśiya häm Niderlandtağı akśiyälärne ğayepläp çığabız häm mondıy provokaśiyälärgä çik quyılırğa tiyeş dip sanıybız” diyelä anda.
Bäyläneşle xäbärlär
Azärbaycan-Ärmänstan tınıçlıq söyläşüläre
Azärbaycan belän Ärmänstan arasındağı tınıçlıq söyläşüläre Qazaqstannıñ Almatı şähärendä başlandı
Ärsin Tatar: "Totışıbızda üzgäreş bulmawın Berläşkän Millätlär Oyışmasına citkerdek”
Tön’yaq Kipr Törek Cömhüriyäte İlbaşı Ärsin Tatar BMO wäkile belän küreşte